slepja.com

Mér finnst kreisí fyndið og á sama tíma alveg rosalega bjánalegt að auglýsingar á ríkissjónvarpinu eru yfirleitt stoppaðar/klipptar allt of snemma. Það vantar alltaf amk sekúndu aftast í þeim. Mjög bjánalegt. Hlýtur að vera til leið til að koma þeim fyrir, hraða þær eða eitthvað ef það vantar tíma fyrir auglýsingarnar.

Ein auglýsingin hljóðaði svona “.i” sem átti að vera “.is” – þetta er fáránlegt þó það hljómi hérna sem smáatriði. Þá er þetta mjög bjánalegt.

Hafiði ekki tekið eftir þessu?

Oft er þetta einnig í veðurfréttum oþh. Klippt á fólk í miðju orði. Skelfileg klipping verð ég að segja!

Þetta er að koma – vona ég!

Amk þegar ég fór að sofa um miðnætti í gærkvöldi þá hugsaði ég… já, nú held ég að ég geti sofið fyrir geltinu í sjálfri mér. Ekki alveg jafn mikill pirringur og kláði í hálsinum og undanfarna daga. Ég nefnilega vaknaði þarna um daginn kl 6, næstu nótt á eftir kl 4 og þá þriðju kl 2. Fór fram í 1-2 klst, spjallaði við Dagbjörtu á msn sem virðist vera búin að snúa sólarhringnum við og jafnaði mig af hóstaruglinu. Skreið svo aftur upp í rúm í þeirri von um að Lalli hafi getað sofið eitthvað á meðan ég hóstaði frammi.

Nóttin í nótt var hinsvegar svona: ég vaknaði kl 2, 4, og 7 – vei… Nema hvað ég hóstaði mest kl 7, annars var þetta meira bara svona smá kláði, eitt-tvö gelt og súpa vatnsglas og/eða hóstasaft og svo bara halda áfram að sofa. Það var sko NICE. Stefni s.s á að næstu nótt vakni ég max 1x og gelti álíka lítið og í nótt og þarnæstu nótt sofi ég í einni beit. Sounds like a plan!

Annars er af okkur að frétta að við erum ekkert smá ánægð með jólin. Þetta er alltaf jafn yndislegur tími. Á vorum við bara heima fram að hádegi. Þ.e ég því Lalli fór í sund með Gumma kl 11 ca. Fórum svo í leiðangur með pakka og jólakort. Komum svo heim og elduðum okkur hamborgarhrygg sem Valitor gaf Lalla í jólagjöf. Við vorum búin að borða, ganga frá og setjast niður kl rétt rúmlega 7 um kvöldið og lágum á meltunni í nokkrar mínútur. Ákváðum svo að byrja bara á jólakortunum því annar eins bunki hefur varla litið dagsins ljós hérna áður. Þegar húslestrinum var lokið opnuðum við pakkana og vola við vorum búin að öllu milli hálf 8 og 8 – þó við værum að reyna að lesa kortin hægt, opna pakkana hægt osfrv. En það er bara nice. Sátum og skoðuðum afrakstur þessara jóla með gleði í hjarta. Flettum í gegnum Súkkulaðiástina og Lærðu að elda indverskt, afvelta af mat en samt tilbúin að demba okkur í aðal og eftirréttina sem eru svooo girnilegir í þessum bókum NAMM!
Við fórum svo rúmlega 8 í eftirmat í Melbæinn og pakkaflóðið á þeim bænum var ca hálfnað. Þar áttum við nokkra pakka í viðbót. Ofsalega huggulegt. Komum heim um/eftir miðnætti eftir rólegheit og spjall við pútta og múttu.

Jólaboð og fleiri jólaboð. Jólasteikur og enn meira salt og reykur. Hversu gott getur þetta orðið?? I love it.

Laugardagur í dag, vinnudagur á hinn. Og svo aftur löng helgi. Men hvað það verður hræðilega erfitt að mæta í fulla vinnuviku fyrstu vikuna í janúar. Jésús það verður ROSALEGT.

Jæja farin í göngutúr í fallega veðrinu. Enn og aftur gleðilega hátíð allihopa

Yfir jólin.. hvað á það að þýða?

Ég er nú ekkert slöpp, bara hóstandi, leiðinlegur þurr, kitlandi hósti. Frekar pirrandi. Lalli er líka svona, nema hann er slappari.

Þetta hefur kosti og galla. Við erum búin að ÖLLU, meiraðsegja þrífa bílinn og skipta á rúmunum. Svo tæknilega séð getum við verið veik og sofandi daginn út og inn. Gallinn er sá að ég sérstaklega er ekkert slöpp svo ég er hálf eirðalaus. Ég er að reyna að sitja á mér, ná þessu úr mér sem fyrst, vera heima, hafa huggulegt og njóta. Sem ég og geri, en ef ég væri komin með pakkana undir tréð (mína pakka þ.e.a.s) þá myndi ég opna 1 sem væri líklegur til að geyma bók. Og myndi lesa og lesa. Ekki það að ég held ég gæti nú alveg fundið mér bók hérna heima til að lesa sem ég á eftir að lesa. Lalla finnst að ég eigi að slappa af og liggja og hvíla mig – en ég get það ekki.

Við erum meiraðsegja svo ónýt að við vöknuðum bæði kl 6 í morgun. Hóstuðum einsog stórreykingamenn og snýttum okkur og hóstuðum aðeins meira. Gátum svo ekki sofið mikið meir. Ég gafst upp og fór fram um hálf 8 leitið. Þá búin að rembast við að dorma eitthvað.

Þetta er amk hinn rólegasti jólaundirbúningur sem ég hef vitað. Svipað og þegar við vorum út í Svíþjóð. Bíðum bara og bíðum eftir jólunum. Keyrum þó jólagjafir út á morgun. Veiii.. Gerðum það eðlilega ekki í Svíþjóð og þá þurftum við líka að láta aðfangadag líða svona eins og daginn í dag. Huggulegt, en soldið langir dagar

Annars óskum við hjónin öllum sem lesa gleðilegra jóla og þökkum fyrir árið.

Ég held ég sé búin að fatta þetta. Kannski er ég svona slow og allir hinir eru búnir að fatta það en það skiptir ekki máli, ég fattaði þetta allavega alveg sjálf, með smá púslum héðan og þaðan.

Okkur konunum er oft tíðrætt um meintan skítastuðul kynjanna. Hvað skítaþröskuldur/þrifaþröskuldur okkar kvennanna er mikið lægri en karlanna. Þeir sjái ekki rykhnoðrana sem hlaupa um íbúðina meðfram veggjunum, sjá ekki pissudropana á klósettinu (undir setunni sem við sitjum á) og jafnvel gólfinu, tannkremsklessurnar í vaskinum, mylsnuna á eldhúsborðinu, fitusletturnar við eldavélina og svo mætti lengi telja. En þeim finnst að um leið og við konurnar sjáum minnsta rykkorn erum við farnar að hlaupa um með tuskurnar á lofti, ganga frá úlpum sem liggja/hanga á stöðum sem þær eiga ekki að vera á, nöldra yfir óhreinum sokkum sem liggja útum alla íbúð.

Ég held að þeir séu ekkert minni snyrtipinnar en við. Amk í hvert sinn sem ég þríf vaskinn, dettur bóndanum í hug að raka sig, í hvert sinn sem salernið er skínandi fínt myndast bremsufar. Í eldhúsinu verður ísskápurinn freistandi um leið og tiltekt hefur átt sér stað og öll heimilistæki rifin út úr skápunum og réttirnir og veitingarnar renna frá bóndanum í lange baner. Samt oftast bara fyrir 1. Við erum vanar að redda okkur sjálfar.

S.s niðurstaða þessarar íhugunar er sú að karlmenn eru í raun mikið meiri snyrtipinnar en við.

(sögurnar hérna að ofan eru réttar en stórlega ýktar, þetta er ekki alltaf svona, amk ekki á mínu heimili, en margt af þessu hefur átt sér stað, sumt ítrekað annað sjaldnar/aldrei)

Back to normal. Þessi desember er örlítið líkari “normal” desember heldur en í fyrra. Þó var desember 2008 nær því að vera eðlilegur en okt og nóv 2008.
Það er s.s nóg að gera. Einhver reynir að kreista það út að fá að sleppa tíma og því er tekið fagnandi!

Það hefur líka verið svakalega mikið að gera hjá Lalla í vinnu og aukavinnu (frítíma). Greinilega álagstími hjá okkur hjúum.

Allt er nú að verða til fyrir jólin. Ég byrjaði nú óvanalega seint þetta árið. Gat einhvern veginn ekki komið mér í að skrifa jólakort eða neitt áður en ég fór út. Maður er ekkert nema vaninn. Ég er alltaf löngu byrjuð á jólagjöfunum áður en ég fer í jólakortin, svo ég bara fann ekki stemminguna til að fara að skrifa – fyrr en ég kom heim. Og í raun ekki fyrr en fyrsta jólakortið barst í hús! Ætli þetta sé einhverskonar tegund af tregðu? Allt skal vera í röð og reglu hér… First things first.

En nú er þetta að smella, síðustu jólakortin voru skrifuð í gærkvöldi. Og dagurinn í dag fer líklega bara í að pakka inn og kaupa jólatré.
Er það bara ég, eða eru færri jólatrjáasölur í gangi í ár en í “góðærinu”? Líka hjá björgunarsveitunum? Mér finnst eins og áður þá hafi verið á hverju götuhorni jólatrjáasala; björgunarsveitanna sem og íþróttafélaga og annarra aðila. Ég sá jólatrjáasölu Húsasmiðjunnar og jólatrjáasölu IKEA – en ekkert séð af þessu frá björgunarsveitunum, skátunum eða öðrum sem ég vill kaupa af! Ætla að fara þangað sem við keyptum í fyrra og sjá hvort það sé þar aftur. Hlýtur bara að vera.
En hinsvegar eru björgunarsveitirnar farnar að setja upp flugeldaskilti hér og þar. Hvert er þessi veröld að fara eiginlega? Once upon a time þá fór flugeldasalan ekki af stað og ekkert auglýst fyrr en í fyrsta lagi 2. í jólum!

Jæja nóg um tuð og nöldur yfir “gamla” tímanum. Such is life today.

Útskrift hjá litla frænda í dag. (sem er sko mjög langt í frá að vera minni en ég og bara aaaðeins yngri).

Þangað til næst. Bless