slepja.com

Fer eitthvað lítið fyrir heimsóknum og öðru þessa dagana.. Vetrartíðin er skollin á okkur hjónum með tilheyrandi þéttskipaðri dagskrá. Ætla nú ekki að þreyta menn og konur með svoleiðis fréttum endalaust.

Það var sundmót um s.l helgi. Árshátíð þá næstu, kleinukennslubakstur annað kvöld á Skaganum og sitthvað fleira.

Gaf mér reyndar tíma til að skella mér í bíó í kvöld. Stelpubíó. Fór með Dagbjörtu, Berglindi Rut, Halldóru og 2 vinkonum Dagbjartar. Sáum The ugly truth. Ágætis afþreying ef maður fer með zero væntingar. Ég hafði satt best að segja ekki einu sinni séð auglýsingar… Ágætis kvöldeyðsla.

Hvað er að gerast í þjóðfélaginu? Er þetta bara Reykjavíkurborg að skapa störf eða er gatnamálastjóri aftur farinn að flytja inn umferðaljósin og er að passa sig að græða á því…

Það er ansi víða sem verið er að búa til breiðari aðreynar/aðreinar og útlit fyrir ljós á hverju horni. Það líkar mér illa. T.d á gatnamótunum á Sæbraut og Kringlumýrabraut. Þar er aðrein til austurs og gott skyggni til vestur. Engin ástæða fyrir ljósum. Það mun BARA tefja umferðina. Hef mjööööög sjaldan séð einhverjar ægilegar stíflur akkúrat á þessum stað.

Hinsvegar mættu þeir alveg laga næstu ljós til suðurs. Borgartún – Sundlaugarvegur – Kringlumýrarbraut. Þar situr fólk 2-4 ljós í hrikalega langri röð úr suðri inn í Borgartún. Rosalegt alveg. Og þar verða sko slys bæði í suður og norður. Rosalegir árekstrar. Sem og næstu gatnamót enn lengra til suðurs. Laugarvegur, Suðurlandsbraut, Kringlumýrabraut. Þeir eru ekki að setja upp beygjuljós þar!!

SKÍTAPAKK sem stjórnar þessu landi. Alveg sama á hvaða sviði það er….
Ekki alveg verið að hugsa um hvað er mikilvægast og hvað er léttvægara

Fyrst ég er byrjuð…
Við Lalli erum búin að eignast 2 lítil frændsystkini í Danaveldi. Greinilega frjósemi þar á þessum tíma =)
Steingerður frænka mín eignaðist lítinn guttaling í stelpuhópinn á 17. sept í Köben og Ásta frænka Lalla eignaðist stelpurófu númer 2 í dag 20. sept í Aabenraa á Suður Jótlandi.

Yndislegt alveg hreint =) Til hamingju öllsömul með nýjustu fjölskyldumeðlimina ykkar. Hlakka til að sjá ykkur öll sem allra allra fyrst!

Það er búið að vera SJÚKT að gera hjá okkur hjónum. Moi hefur ekki getað tekið sér matartíma á fullum vinnudögum svo kvöldin hafa verið frekar heiladauð – þegar ég hef á annað borð verið heima. Helgarnar hafa líka verið þétt bókaðar eins og hefur komið fram og hefur það bitnað á vinum og vandamönnum. AFSAKIÐ!! Nú er lífið að detta í “eðlilegar” skorður. Að verða “venjulegt að gera” með tilheyrandi matartímum o.þ.h lúxus, svo við förum vonandi að verða skemmtilegri vinir að þekkja. Markvissar heimsóknir og símhringingar munu hefjast að nýju á allra næstu dögum.
Þökkum sýnda þolinmæði og trygglyndi.
Sjáumst

Steingleymdi að minnast á það í þarsíðustu (eða þar á undan) færslu að við hefðum eytt fyrsta brúðkaupsafmælinu í smölun á rollurössum Jafn rómantískt og við. Hefði ekki getað verið betra!!

Fyrsta árið liðið af very many… Til hamingju við =)

Læt mynd úr partýinu fljóta með – very good memories! AHhhhh

Lalli búinn að skipta um dress HEHEHEHe – þarna er hann hann sjálfur!

Skruppum útúr bænum frekar óvænt þessa helgina. Birkir fékk bústað með stuttum fyrirvara í Reykjaskógi ofan Syðri-Reykja í Laugardal hjá Flubbafélaginu. Fínn bústaður. Vorum þar 3 í góðu yfirlæti og svo mætti Gunni litli í mýflugumynd á laugardeginum. Borðaði með okkur og spilaði fram á kvöld. Neitaði svo að gista því hann hafði einhverjar áhyggjur af því að við svæfum ekkert fyrir hrotunum í honum HAHHAAHa.
Við átum fyrst og fremst, við erum án efa þónokkuð þyngri eftir ferð en fyrir ferð. Lágum í pottinum, sötruðum öl, átum aðeins meira, tölvunörduðumst, lásum og sváfum merkilega mikið!! Kærkomið alveg!
Og aldrei svo mikið sem reyndum við að kveikja á TV. Vitum ekki hvort það virkaði!!

Á laugardaginn var yndisgott & fallegt veður. Strákarnir fóru út að hjóla á Baðkarinu (Dakar=ferðakrossari). Kíktum svo í túristaferð á Geysi. Alltaf gaman að sjá þetta geggjaða listaverk móður náttúru

sem og auðvitað öll önnur listaverk hennar. Hún er ótrúleg!

Fleiri myndir frá Geysisferð eru komnar á slepjugallery – hér