sem ég get vel mælt með. Ótrúlega skemmtileg heimildamynd. Kannski allir búnir að sjá hana?? Það væri okkur líkt að vera síðust til að sjá hana HAHA.. Hún heitir “Young @ heart” og er um gamalmenni sem syngja saman í kór. Heimildamynd sem fjallar um kórinn – Gefðu henni séns, hún leynir svo sannarlega á sér. Í alvöru!
Birkir kom með hana og við vorum eitthvað “mjahh mmjúúhhh jú jú ennn…. ok” og sjáum sko ekki eftir því! Góð ræma á góðu sunnudagskvöldi.
Þá er Frú Helga Dröfn búin að klífa Esjuna ásamt Frú Anítu. Við drifum okkur af stað kl hálf 11 í morgun. Og vorum því að ganga af stað upp Esjuna um kl 11:00. Komum niður aftur skokkandi – já skokkandi – kl 14:30. Það var skelfing vindasamt á Esjunni, eiginlega bara svakalegt rok. Svo við höldum því fram að uppgangan hafi verið amk tvöfalt erfiði og jafnvel þrefalt. =) Lifum á því lengi.
Þetta var … tjahh .. auðvitað erfitt, en ég hafði miklað Esjuna soldið fyrir mér. Skal játa það. En þetta er þræl erfitt fjall samt. Og holy moly miðað við hvernig fólk hefur talað um klettana þá segi ég nú bara iss piss… þvílíkar sögur sem maður hefur heyrt!! Þetta var nánast eins og að klífa tröppur, amk víða! Og miklu styttri vegalengd en ég hélt að það væri. Þegar maður er kominn upp að Steini – þá fer maður alla leið. Annað kemur ekki til greina. Aníta sagði reyndar að þarna væru nýkomnar keðjur og fínerí. Það munar auðvitað um það fyrir þá lofthræddu.
Fleiri myndir má sjá hér
Spurning hvaða fjall verður fyrir valinu næst?
(Lalli tölvugúrú fann hvert vandamálið var – það var einhver diskur fullur sem gerði það að verkum að allt fór í rugl, en engir hakkarar á ferð. Sem betur fer!)
Það eru þónokkrir haustboðar farnir að líta dagsins ljós. Fyrir utan að ágúst er að verða búinn, þá er veðrið farið að láta okkur vita af haustinu með tilheyrandi hitalækkun – allt í einu er maður farinn að sjá einsstafa tölur – rok/lægðir osfrv. Rökkrið er orðið allsráðandi á kvöldin sem og myrkur á nóttunni. Svo merki ég haustið einnig með öllum dauðu flugunum sem ég er að finna útum allt hús. Geri ekki annað en að taka upp dauðar hrossaflugur og húsflugur á ólíklegustu stöðum. Þarf greinilega að fara að grípa mér ryksugustút í hönd og skríða um íbúðina, teygja mig á bakvið allt og uppá allt til að losa mig við þennan kirkjugarð.
Þó er ég ekki enn farin að sjá haustliti á trjám, en trúi því að þeir fari að láta á sér kræla áður en við vitum af.
Gleðilegt haust. Mér finnst þetta frábær tími. Allar árstíðir hafa sinn sjarma.
Einhver hefur hakkað sig inn í umráðasvæði slepjumanna, breytt einhverju hér á slepjunni og tæmt albúmið á gallerýinu 
vonandi verður bætt úr þessu, annars er ég hætt að setja myndir á netið og set allt í albúm “the old way”!!
S.s ekki hægt að skoða myndir í augnablikinu…
Lalli vill nú ekkert gera úr þessu – en mér finnst hann HETJA (og Kristinn líka náttúrulega!)
Þeir tóku sig s.s til ásamt þessum hópi af fólki og syntu frá Skarfakletti út í Viðey í dag. Tók ca 30 mín hjá þeim. Þeir þóttust nú ekki vera voða þreyttir eftir þetta og staðfestu það með að synda út að bauju í Nauthólsvík eftir á!
Myndir má nálgast hér
Mér finnst ógeðslegasta tilhugsunin að synda í gegnum marglyttur, það var hrikalega mikið af þeim í fjöruborðinu, sem og þegar einhver var að koma í bakkann eftir að hafa synt yfir og til baka og hékk í þaraflækju “hrollur”