Veit ekki hvaða fjall ég á að klífa næst, það koma svooo mörg til greina.
- Vífilsfell
- Helgafell – mos/hfj
- Hestfjall
- Fossaleiðin í átt að Fimmvörðuhálsi (en ekki alla leið, ekki strax)
- Hengillinn
- ofl ofl ofl…
Fyrir utan svo lengri göngur svo sem Leggjabrjótur sem ég er búin að tala svo mikið um! 
Ugla sat á kvisti…
var gengið í dag. Það átti sko að taka Vífilsfellið en sökum rigningar var ákveðið að fara aðeins styttra þetta sinnið. Vífilsfellið verður hinsvegar klifið mjög fljótlega.
Skemmst er frá því að segja að það stytti náttúrulega upp þegar við vorum komnar niður á bílastæðið aftur og var þá spurning um að fara bara beint á Vífilsfellið – sú hugmynd var þögguð í hel.
Lalli er byrjaður að vinna í nýja skúrnum. Það er nú mun betra að hafa hann í Selás en Hafnarfirði satt best að segja. Þó það sé ekkert svakalega langt í Hafnarfjörð þá er það vissulega lengra en að skreppa í Selás!
Segjum það gott í bili.
The hangover á fimmtudag. Hlægileg
Menn sem hata konur á laugardag. Efni vel skilað þó svo að ansi mörgu hafi verið sleppt og / eða breytt. Mæli með lestri bókar einnig þrátt fyrir að fólk hafi séð mynd
The proposal á sunnudag. Mjög fyndin fyrir hlé, meira drama eftir hlé en fyndin samt út í gegn.
Gaman að taka svona bíósyrpur Nú á ég bara eftir að tímasetja Harry Potter…
Ég kíkti aðeins á útsölur í dag. Án þess að ég ætli eitthvað nánar út í það þá ætla ég að segja:
a) það eru ekkert spes útsölur
b) ég missti andlitið í Debenhams þegar ég tók um verðmiða á mjög stuttu gallapilsi (ræma sem rétt nær utan um þjóhnappa og allra nánasta nágrenni) sem var ekki á útsölu. 18.990 krónur þakka þér. Efnið í pilsið kostar líklega um 300-500 kr og vinnan ekkert svakaleg. Þetta var held ég (ef ég sá rétt áður en ég missti andlitið) Espirit sem er svo sem ekkert ódýrt merki en alls ekki svona dýrt!!
S.s ef þið finnið leyfar af andliti í Debenhams næstu daga megiði gjarnan reyna að sópa því upp og koma því til mín!
Takk
er að byrja aftur í ræktinni eftir sumarfrí!! Hélt ekki að það væri svona erfitt. Fannst það í raun ekki erfitt fyrr en ég lagði á bílastæðinu fyrir utan, var þá að spá í að keyra bara heim – með pizzu í farteskinu HAHAHHA…
Sá svo að það væri grátlegt því ég sleppti æfingu á föstudag því æfingin var svo skelfing leiðinleg (maður sér æfingarnar um miðnætti www.crossfiticeland.is) og ég gat ekki hugsað mér að það yrði fyrsta æfing eftir sumarfrí! Svo nú var ekki hægt að hætta við.
Sem betur fer, því það er frábært að vera kominn af stað aftur, þó þetta væri soldið erfitt hehe…
Næsta æfing á morgun – vúhúúú..