Samkvæmt fréttum af veðri hefði verið fínt að ganga um helgina. Hinsvegar hef ég verið svo dugleg í ræktinni að ég átti EKKERT inni um helgina. Þó ég hefði viljað. Komst ekki á æfingu á lau og ekki sun þó ég hafi sko alveg haft tíma!! Átti bara 0 eftir í orku. Þá borgar sig að hvíla sig, sem ég og gerði. Svo stillt og prúð stelpa.
Annars fátt að frétta úr kotinu. Lalli að koma til loksins eftir veikindin. Enda á 4. viku. Komið gott af þessum hósta og hori!
Þar til næst – hafið það gott
Ég er búin að láta mig dreyma um að labba Leggjabrjót í amk 2 ár. Hef ekki enn látið verða af því. Í sumar skal það verða! Ég var að gæla við næstu helgi. 20. eða 21. en samkvæmt www.vedur.is þá er öskrandi leiðinleg rigning um helgina! Svo ég fer þetta líklega ekkert fyrr en í júlí – ágúst 
– en hver hefur áhuga á að koma með? Bara svo ég viti það þegar ég fer. Margir hafa lýst yfir áhuga. Væri fínt að fá það í kommentakerfið bara 
Svo enginn gleymist!!
Fyrir þá sem ekki vita en hafa áhuga þá er Leggjabrjótur leiðin frá Þingvöllum / Uxahryggjum yfir í Hvalfjörð – Botnsdal nánar tiltekið. Gangan tekur á milli 4-5 tíma og er víst ekki sérlega erfið.
Hæ hó jibbí jeijj og jibbí jeijjjj, það er kominn 17. júní! Jahh það eru reyndar 20 mín í það – en hverjum er ekki sama um díteils??
Morgundagurinn verður mjög hátíðlegur. Hann hefst á æfingu kl 10! Ójá – nú er mín að taka þetta með rosa trompi. Byrjuð að sanka að mér hlutum til að detta ekki út í sumarfríinu. Það er stranglega bannað. Stefni á fjallgöngur, sipp, armbeygjur, situps, hnébeygjur og allt það sem hugurinn girnist. Lofa því þó að ég mun líka sitja róleg og vera í fríi…
En fyndið að í gær var ég low power. Í dag var ég í low power – alveg þangað til ég fór á æfingu, eftir æfinguna varð ég óð. Alveg trítilóð. Eirðalaus í öllu veldi og var komin á það að hlaupa bara út að djamma HAHAHAHHA… endaði með að taka upp tuskuna og byrja að þurrka af og skipta á rúmunum Ekki vit í neinu öðru!! Ég veit ekki hvernig ég verð um jólin þegar þetta kort mitt rennur út!?!? Ef ég er svona orkumikil í dag eftir æfingarnar – úff verð þreytt við tilhugsunina um hvernig ég gæti orðið þá. En það verður spennandi að sjá.
Það hefur verið nóg að gera í vinnunni. Thank god. Varla að maður þori í frí c”,) og eins og staðan er núna þá hef ég sko engan tíma til að fara í frí. En þar sem það er ekki alveg komið að því þá fer ég nú ekki að örvænta, og þó það verði enn kreisí þegar þar að kemur þá bara bíður fólk í þessa daga sem ég er í burtu. Varla svo aðkallandi mál á dagskrá
Jæja farin með alla þessa orku í draumaheima. Vona að ég verði svona orkumikil í fyrramálið á útiæfingunni. Hef aldrei farið á svoleiðis og vona að það verði ekki kreisí rigning mér til heiðurs í brekkum Ártúns kl 10:00.
Veriði sæl
Vei vei vei ég er á lífi og þetta var erfitt vissulega en ekki jafn erfitt og ég átti von á..
En gaman var það og ég er sko til aftur!
Taumlaus gleði
Tíminn flýgur hratt yfir.
Vikan búin að vera sæmó róleg. Lalli enn að ná úr sér “svína”flensuskítnum. Orðinn nett pirraður á horflóðinu. Þetta fer vonandi að koma hjá honum.
Ég búin að bæta upp fyrir tapaða æfingavikur. Tók 3 æfingar í vikunni og lét plata mig á þrefalda í dag… úff… veit ekki hvað ég er að hugsa. Ef það kemur ekkert blogg hérna næstu dagana þá dó ég á æfingu í dag! Það er svona hálfgerð keppni. En samt fyrst og fremst keppni við sjálfan sig. Það eru s.s æfingaprógröm sem bera stelpunöfn eins og “Jackie” “Fran” “Angie” osfv sjá hér og yfirleitt gerir maður 1 “stelpu” en í dag verða þær 3. Holy krap!! Tek það fram að æfingarnar taka frá 10 mín og upp í 30 mín. Svo á maður s.s að draga þessar stelpur og gera þær – vonandi fæ ég ekki lengstu og erfiðustu stelpurnar svo ég verði ekki að þessu til miðnættis!!
Þessi verður vonandi ekki dregin úr hattinum.
Angie:
100 upphífingar – 100 armbeygjur – 100 uppsetur – 100 hnébeygjur
taumlaus gleði!
Góða helgi. Og Ásta Sigrún, gangi þér vel með síðustu klst á önninni. Farvel Ástralía og njóttu síðustu daganna þar (mánaðarins)
Verður gaman að sjá þig stelpa þegar þú kemur loksins heim – áströluð í botn.