slepja.com

.. er senn á enda. Við höfum átt yndisleg jól – að vanda.
Við þökkum fyrir okkur, fallegar og góðar jólagjafir, sem og skemmtileg kort.
Ég er samt ansi hrædd um að frú Helga Dröfn fari í jólaköttinn. Ég er enn að bíða eftir honum… :/ það hlýtur að koma að því. Ég s.s fékk ENGAN mjúkan pakka. Lalli fékk þó sæng og kodda – næsti bær vð föt hhehehehe.. S.s ef ég hverf þá náði jólakötturinn mér.

Er bloggandlaus í dag, svo ég segi bara gleðilegt ár og takk fyrir það gamla.
Kossar og knúsar til ykkar frá okkur hjónum

stel þessu af moggablogginu því ég er hjartanlega sammála þessu:

sjá fleiri hugrenningar hér: http://sveiflan.blog.is/blog/sveiflan/

“Ef það gerðist á einhverjum tímapunkti að Íslandi yrði hluti af Evrópusambandinu fæli það í rauninni ekki í sér aðild að sambandinu heldur innlimun í það. Ríki sækja um aðild að alþjóða- og milliríkjasamstarfi. Evrópusambandið er hins vegar fyrir löngu komið langt út fyrir þann ramma að geta talizt alþjóða- eða milliríkjasamstarf og er svo komið í dag að einungis vantar herzlumuninn upp á að það verði að einu ríki. Það sem á vantar er nánast formsatriði. Það er væntanlega ljóst að ríki sækja ekki um aðild að öðrum ríkjum, ríki eru innlimuð í önnur ríki. Þá annað hvort gegn eða með vilja þeirra. Samanber t.d. tilfelli Nýfundnalands og Kanada. Nýfundnaland var innlimað í Kanada og fékk í framhaldinu stöðu héraðs innan þess, Nýfundnaland fékk ekki aðild að Kanada.”

 ég vill bæta við: Krónan okkar er ekki ónýt, það er langvarandi stjórnleysi ráðamanna sem hefur haft lamandi áhrif. Skiptum um stjórn, ekki gjaldmiðil. Krónan og sjálfstæði okkar er sterkasta eign þjóðarinnar, ásamt fullveldi og yfirráðum yfir auðlindum okkar. Báknið í Brussel varð þess valdandi að norðurlandaþjóðirnar, nágrannar okkar og helstu vinir -þorðu- ekki að gera neitt af ótta við ESB! viljum við í svoleiðis félagsskap? NEI!

Kæru vinir og vandamenn, nær sem fjær!

Gleðileg jól og farsælt komandi ár, takk fyrir allt gamalt og gott

kveðja,
Lárus Rafn og Helga Dröfn

Kristinn spurði í síðasta pistli:
“Qué pasa?

Hvað hefurðu fyrir þér í þessum ályktunum um að olíu og fisk verði ráðstafað af Evrópusambandinu?

Ég er þér alveg sammála, en mér hefur verið tjáð að þetta atriði sé gjarnan tekið úr öllu samhengi við raunveruleikann af andófsmönnum ESB.”

Svar:

Ég hef reyndar lítið fyrir mér í þessu annað en einmitt þetta, orðið á götuni. En sé þetta rangt ætti að vera auðvelt fyrir Evrópusinna að kveða niður þennan þráláta draug.

það er ekki nóg fyrir mig að Evrópusinni segi þetta slitið úr samhengi við raunveruleikann. ég þarf að fá betri -sönnun- fyrir þessu. fyrst þetta er svona útúr korti hlýtur að vera auðvelt að sýna fram á þetta svart á hvítu. Samt hef ég aldrei séð það gert…..

Við skulum líka athuga eitt.. EU er ekki einhver klúbbur með ársgjöldum. ef við göngum í þetta bandalag þá er ekki hægt að hætta við. Allavega er það orðið á götuni. Ég er ekki tilbúinn að fara þarna inn nema eftir gríðarlega yfirgripsmiklar umræður þar sem allir kostir og gallar koma í ljós, þar til það hefur farið fram hafna ég gersamlega öllum hugmyndum um “hraðmeðferðir” og slíkt kjaftæði. Ég tek ekki þátt í þessu nema vita að þetta hagnist landinu í heild.

Það þarf að kveða niður marga EU drauga. Umræðan þarf að fara fram og allt þarf að koma upp. vellta þarf hverjum steini… það tekur tíma, meiri tíma en “hraðmeðferð” (sem að öllum líkindum er ekkert í boði hvort eð er) býður uppá.

Stækkunarstjóri Evrópusambandsins hefur margítrekað að það sé ekkert til í EU sem heita sérsamningar eða undanþágur. Aðeins er hægt að semja um AÐLÖGUNARTÍMA-SAMNINGA. Eftir það erum við bara ofurseld því valdi sem býr í Brussel.

Hver mun stjórna hversu mikið verður veitt hér? verður það vald í Brussel eða á höndum fiskifræðinga og stjórnar á Íslandi? þetta þarf að koma skýrt fram og vera staðfest.

Hvernig verður þessum kvóta skipt? fá öll aðildarríki sem það vilja part í kvóta hér? getum við sagt til um hvað stórum hluta aflans verður landað hér til vinnslu? Einnig þarf þetta að koma fram og vera staðfest.

Verði þetta ekki í okkar höndum og fari þessi störf úr landi, fáum við einhver störf í staðin?? eða Styrki úr sjóðum EU?

Eins með orkuöflun og sölu… er raunhæft að selja orku héðan um sæstreng til Evrópu? Munum við ráða því hvað verður virkjað og hvað ekki? eða færist það vald til Brussel? munum við hafa nægilegt úrslitavald til að stöðva orkuöflunarframkvæmdir til verndar náttúruperlum ef meirihluti þjóðarinnar vill það???

EU er ekkert ókeypis heldur. Vel stæð ríki EU borga mun meira til sambandsins en þau fá til baka fyrir að vera í EU. Hversu mikið vega þær upphæðir íslendinga í málinu? Græðum við meira á að vera í tollabandalagi EU en þessu nemur?

Ég vill fá skýr svör við þessum spurningum og fleirum, ég viðurkenni að ég hef ekki verið duglegur að leita mér upplýsinga um kosti og galla þess að ganga í Evrópusambandið og hef fallið í þann pytt að grípa kanski upphrópanir andstæðinga á lofti og gera að mínum eigin…. en umræðan í dag býður bara ekkert uppá annað. því miður.

vonandi breytist þetta og maður getur tekið upplýsta ákvörðun. Ég mun hafna inngöngu í EU þangað til.
Lalli