slepja.com

við skulum athuga eitt: hvaða ástæðu sjá Norðmenn fyrir því að ganga ekki í ESB? jú, fyrst og fremst til að missa ekki yfirráð yfir sínum helstu auðlindum sem eru 2: fiskur og olía.

Finnist olía í vinnandi magni hér við land tel ég ágætt að við ættum hana bara sjálfir en ekki evrópusambandið. Norðmenn vita að ef þeir færu í ESB þyrftu þeir að borga gríðarlegar upphæðir til sambandsins af olíugróða sínum vegna góðrar stöðu. þar fyrir utan ætti EU réttinn á að skipa fyrir hve mikið er unnið af olíu og hvenær.

þótt kvótakerfið okkar sé ekki það besta er það helvíti mikið skárra en fiskveiðistjórnuarkerfi Evrópusambandsins sem hlustar lítið á rannsóknir vísindamanna og stundar arðræningjaveiðar í lögsögum félagsins án þess að þjóðirnar sem eru svo óheppnar að eiga lögsöguna þar sem þetta er gert fái rönd við reyst.

Hér yrðu erlend fiskiskip EU að veiðum og við fengjum aðeins brotabrot ef ekki brotabrotabrot af úthlutuðum kvóta til eigin veiða… sem myndi þýða fjöldagjaldþrot fiskveiðifyrirtækja og aukið atvinnuleysi.

villt þú bera ábyrgð á því?? ég bara spyr.

Ég segi nei við ESB af tvennum ástæðum aðallega:

NEI, höldum fullveldi landsins og vinnum okkur sjálf útúr skítnum sem við komum okkur í.

NEI, ég vill ekki gefa Evrópusambandinu auðlindir landsins.

Kveðja,
Lárus

úff ég var að horfa á borgarafundinn í sjónvarpinu.. ég er svo mikill kjúklingur að ég er hálf eftir mig. Ætlaði að skrifa hér meðan ég væri að “horfa” en ég gat það bara eiginlega ekki. Ég hálfvorkenndi ríkisstjórninni í bland við að fyllast reiði og pirringi út í þetta fólk.

Sambærilegt því þegar ég horfi á bíómyndir þar sem það er “traðkað” á einhverjum góðum, gömlum eða minni máttar. Þá fer ég að vorkenna þessum leiknu persónum! Var að horfa á Djöflaeyjuna um helgina í bústaðnum. Þar er stjúpafi Badda alltaf að rétta út aurana sem hann var að vinna sér inn og enginn annar vinnur eða réttir fram hjálparhönd. Hinir bara eyða og eyða. Sami leikari (heitinn man ekki hvað hann heitir) Kormákur afi í Jóni Oddi og Jóni Bjarna. Vorkenndi honum alltaf rosalega mikið þar líka! Svona er ég s.s ….

Við vorum í sumarfríi um helgina í sumarbústað. Dásemd. Hefðum helst viljað vera heila viku eða meira En helgin varð að duga. Lágum í leti ýmist í sófanum eða pottinum. Gerðum ekkert nema borða og hvílast. Langþráð.

Nóvember er annars að verða ansi stór afmælismánuður. Hefur aldrei verið það beinlínis hjá mér. En meðal annars með því að gifta mig inn í fjölskyldu bætast nokkrir dagar við. Það byrjar á Rakeli Hebu – Hauks og Írisar. Hún er 4. og ég man það bara af því hún er akkúrat mánuði á eftir mér Þann 8. eru alltaf að bætast við einstaklingar. Ágústa föðursystir er þann dag, Þorbjörg æskuvinkona, Aþena Mjöll litla frænka og svo var Lalli að eignast litla frænku þann dag líka í ár. Gunnar Ingi og Þorbjörg bættu í hóp 8. nóv   Gunnar Helgi er svo 11. nóv, Þorbjörg hans Gunnars Inga þann 14. Berglind Elva þann 17. Siggi Jón eignaðist svo dreng þann 18. (já það bætist svo sannarlega í hópinn) 19. Björn Kristinn, 21. Hörður litli stóri brósi, Ásta amma Lalla, auk Andra Freys jr. litla frænda míns. 22. Þorkell Magnússon jr. Get svo haldið áfram með fólk sem er í ytri hring gamlir vinir og svona hehehe en læt þetta duga í bili. S.s stóru dagarnir í nóv eru 8. og 21.

Jæja læt þessa löngu færslu duga í bili. Sæl að sinni.

Ég er búin að vera blogg-andlaus lengi, lengi, lengi. Þar að auki hef ég verið tölvulaus hrikalega lengi, að mér finnst amk. Þessi hrikalega langi tími nær líklega viku þvílík kvöl og pína. En hingað er ég loksins komin aftur – vei! Tölvan var s.s í yfirhalningu. Ekki veitti af.

Við hjúin erum hress, þrátt fyrir allt. Höfum alltaf nóg að gera, þó ég ekki alveg jafn mikið og í fyrra – thank god! Lalli á fullu að klára jeppó, því hann er búinn að segja upp bílastæðinu í viðgerðarhúsinu upp frá og með 1.des. Það sem á eftir að gera verður gert í bílskýlinu heima eða í húsnæði vina og vandamanna Svo verður vonandi farið í jólaferð… þori ekki að segja neitt meira en “vonandi”.

Við erum s.s á lífi. Engar fréttir eru betri en slæmar fréttir. Það á við um okkur núna. Við erum bara hamingjusamlega gift og verðum það vonandi áfram þrátt fyrir að það kreppi að. Vonum að þið hafið það gott þarna úti. Knús í krús