slepja.com

Malen Ósk á afmæli í dag, eins árs! Til lykke lille pige.

Gunnar Ingi átti afmæli 4. ágúst, Steingerður á svo afmæli þann 16., Karl Axel þann 18., Halldóra þann 19., og Kaja þann 20. og Teddington þann 27. Smá svona törn núna hehehe..

Stórfjölskyldan á Kagså er flutt heim. hipp hipp húrrahhhhh x 4.  Hitti Hauk í Bónus um síðustu helgi. Mjög skrítið að hitta dani í bónus!! En frábært að þau skuli LOKSINS vera flutt heim. Þetta er búið að vera ansi langur tími. Verður gaman að heimsækja þau í Norðlingaholtið frekar en alltaf á Kagså hehe.. vorum nú búin að heimsækja þau nokkrum sinnum þangað, sem er ekki slæmt, verður bara gaman að hafa þau örlítið nær. Spurning hvort maður hittist eitthvað oftar??? Jahh meiri líkur á að hitta þau amk á förnum vegi sbr í Bónus.  

Lalli er lazarus þessa dagana. Með hita, beinverki, hálsbólgu og allan pakkann. Ég var nú að skamma hann fyrir að taka þetta út að sumri.. já sumarið er ekki búið – gærdagurinn gaf það skýrt til kynna!! Þvílíkt góður dagur. En ég vona að drengurinn (verðandi eiginmaðurinn) hristi þetta fljótt af sér. Nenni nú ekki að hafa hann svona lengi, þó þetta hafi orðið til þess að ég hafði hann heima í allt gærkvöld og að öllum líkindum í dag líka

Annars er ég að reyna að nota kjölsogið af síðustu skólahelgi við að vera dugleg að læra. Andinn kom allt í einu yfir mig. Ég finn þó að ég á rosa auðvelt með að detta í TV glápið en er að streitast á móti. Það gekk ágætlega í gærkvöldi, rumpaði af spurningum sem hafa legið á mér, náði ekki alveg að klára en það verður gert í kveld. Einbeitingin er á sveimi yfir mér og ég gríp hana stund og stund. Nota svo markmið eins og í gærkvöldi þar sem ég sagði við sjálfa mig; Ég ætla að klára þessa spurningu og næstu og svo fer ég í sturtu og að sofa. Fór svo í kapp við sjálfa mig og gerði 1-3 spurningar í viðbót!! Missti svo af sturtunni því þvotturinn í vélinni þurfti að komast á snúru. Hihii..

Þetta geri ég líka þegar ég fer að synda og er í stuði, en hausinn stoppar mig. Þá fer ég að hugsa; “Ég syndi 200 m í viðbót og næ þá 400 m”. Þegar ég er að nálgast 400 m þá hugsa ég, “ég get ekki synt 400 – það verður að vera 500″. Þegar ég nálgast 500 m þá hugsa ég með mér að ég eigi nú enn svolítið eftir og því væri ekki svo vitlaust að fara bara 800 m (sem er keppnisgrein og gott að miða við hana). Svona getur þetta haldið áfram jafnvel upp í 1.500 m ef vel viðrar í kollinum á henni Helgu Dröfn! Enn sem komið er hef ég nú ekki farið lengra en það síðan “égmanekkihvenær”.

Undirbúningur gengur vel, þetta er voðalega notalegt allt saman, ekkert stress eða rugl. Efnið í kjólinn komið – YEEEEEESSSSSSSSSS – þvílíkur léttir og þá getur maður haldið áfram. Dreg Lazarus með mér eigi síðar en á laugardag í búðir að útbúa einhverskonar gjafalista. Það er það sem mér finnst erfiðast. Getur fólk ekki bara komið? Þurfa að vera gjafir líka??? En ég veit að ég myndi vilja gefa gjöf! Það er víst það sem fylgir þessu…

Jæja það er greinilega skróp hjá mér núna – kl 8 að morgni – og næsta nudd ekki fyrr en kl 10!! Ég ætla að fleygja mér á bekkinn (gott að hafa svona rúm í vinnunni hehe) og reyna svo að finna mér eitthvað til dundurs þegar ég þoli ekki að liggja útaf lengur!

Verslunarmannahelgin búin og þá getur haustið komið. Amk þegar ég vaknaði í morgun og sá sólina úti en fann svalann gustinn koma inn um galopna gluggann þá hugsaði ég “jæja, haustið er að skella á”. En það er að sjálfsögðu gangur lífsins, svo ekki þýðir að nöldra yfir því. En þrátt fyrir gott sumar heyrist mér á flestum að þeir væru alveg til í sumar í 1-3 mánuði í viðbót. Þó það væri nú ekki meira en það!

Helgin er eiginlega hafin hjá mér. Hófst í gær, fimmtudag, því það er fjögurra daga skólahelgi núna. Fim-sun. Ég varð fyrir löngu þreytt við tilhugsunina! En eins og venja er að þá er ég hressust á sunnudegi þegar þetta er yfirstaðið hehehehe..

En ætli maður verði ekki næstu viku samt að ná sér upp eftir þessa törn. Búið að vera frekar mikið að gera í vinnunni líka – ólíkt júní mánuði. Svo maður er að venjast því aftur að vinna eins og hestur! Maður er fljótur að detta úr gírnum.

Gærdagurinn fór í lærdóm, ökuferð til Keflavíkur í sund með Berglindi, Sigga og börnum og kvöldið í grillveislu hjá Frú Anítu og co. Fínn dagur!

Dagurinn í dag fór í ökuferð um Borgarfjörð, skoða Glanna, Laxfoss, Paradísalaut, Landbúnaðarsafnið á Hvanneyri og sitt hvað fleira með stórfjölskyldunni minni. Fundum sjúklega mörg og ótrúlega stór ber, miðað við að venjulega eru 2-3 vikur enn í berin. Bæði bláberin og krækiberin voru orðin merkilega stór. Hlakka ekkert smá til að fara eftir 2 vikur (já ég ætla sko) og tína hlussustór ber. Fínn dagur.

Ekkert smá ánægð með að morgundagurinn sé líka frí

Jæja – er ekki kominn tími á sögu?

Við hjú ætlum nú bara að vera í bænum um helgina. Amk gista í bænum. Spurning hvort maður skreppi í dagstúra.. það verður amk bara í mesta lagi þannig.

Fréttir? uuuu…..