slepja.com

Þegar konum verður mikið niðri fyrir og tala hátt í nöldurtón við
eiginmenn sína, þá kemur ákveðinn eiginleiki hjá karlmönnum í ljós. Þeir
hætta að heyra!… nema kannski stöku orð og þá brenglast gjarnan
skilboðin sem konurnar eru að koma á framfæri.

blah,blah,blah,blah, STRAX!

Sæl öll.

Nei. við eigum ekki von á krakka. Þessi fréttatilkynning er vegna yfirvofandi 30 ára afmælis undirritaðs og vill ég s.s. koma á framfæri ósk varðandi gjafir því tengdu (að því gefnu að fólk vilji gefa mér eitthvað).

Ég er nefnilega að safna mér fyrir alveg ákveðnum hlut, og óska því eftir því hér með að menn og konur sem ætla að gleðja mig með afmælisgjöf og/eða láta sjá sig í sameiginlegum 30 ára afmælisfagnaði mínum og Birkis æskuvinar míns (staður og stund auglýst síðar) gefi mér PENINGA í afmælisgjöf.

Ég er semsagt að safna mér fyrir svona stykki: Rafsuðuvél

Með von um að fólk taki þessu vel,
Lárus Rafn Halldórsson

Í vikuni komst ég að því að mynd af mér var notuð í leyfisleysi sem “covermynd” fyrir lag á íslenskri myspace síðu. Styðst er frá því að segja að ég gúglaði eigendur síðunar, varð mér úti um full nöfn, kennitölur og heimilsföng þeirra fávita og hringdi svo í þá og útskýrði í rólegheitum að ef myndin af mér yrði ekki horfin algerlega af síðum tengdum þeim innan hálftíma þá þyrftu þeir allir að gera samning við Stoðtækjagerð Össurar og kaupa sér gerfihendur því ég myndi slíta orginal hendurnar af og berja þá til óbóta með þeim. benti þeim líka rólega á að það væri erfitt að spila á hljóðfæri með svona gerfidrasli.

þetta stóðst og myndin fór af netinu, en augljóst er að þeir fundu þessa mynd af mér á galleríinu mínu. Þess vegna er það nú læst. Þeir sem vilja áfram skoða myndir þar er frjálst að senda okkur HD póst og fá uppgefið notandanafn og lykilorð inná galleríið.

Kær kveðja,
Lárus

Já loksins tók ég mig til og þreif heimilið. Tómas Snær gisti hjá okkur í nótt – rosa glaður með það! Svo fóru þeir félagar – hann og Lalli – út í Hafnarfjörð að þrífa upp eftir strákskrattana (hverjum dettur í hug að leigja fullt af strákum aðstöðu?? ekkert nema drulla og ógeð!). Svo ég ákvað að bretta upp ermar og þrífa því ekki veitti af. Ætli ég hafi nokkuð þrifið almennilega á þessu ári? Þó moppa ég stundum, þurrka af þríf WC og vaska og þess háttar, en almennileg ryksugun, skúrun og allt í bland hefur skort ansi lengi.

Oft þegar ég hugsa um þrif eða þríf þá pæli ég í því hvort maður eigi að ryksuga eða þurrka af fyrst. Ef maður ryksugar fyrst þá tekur maður það sem er á gólfinu og það ýfist alltaf eitthvað út í loftið – upp á hillur og útum allt. Svo þurrkar maður af og allt fer niður á gólf… á maður þá að ryksuga aftur?

Ef maður þurrkar af fyrst – sem mér finnst held ég logískara – þá ryksugar maður það upp á eftir, en jafnframt þyrlar maður upp á það sem er ný-af-þurrkað.

Svo hvað er best að gera? Hvað gerir þú?

Jæja ég ætla að læra oggulítið áður en ég æði út að þrífa bílinn – jebb allt skal þrifið í dag!

Loksins heima í kvöld…. þvílík hamingja.. – þó hafa kvöldin og dagarnir ekki verið leiðinlegir Alltaf í góðum félagsskap, en stundum er bara svo gott að vera bara heima. Heima að læra, heima að horfa á TV, heima að horfa upp í loftið því ekki nenni ég að nota þetta yndæla kvöld í að þrífa, taka til eða annað! Geri það einhvern annan dag Þarf sem betur fer ekki að gera neitt nema setja í og taka úr vél svo þvottavélin vinnur í kvöld.

Við erum á lífi. Og helgin lítið plönuð! Magnað.

Leiter alígeiters…