slepja.com

Ég er búin að vera talsvert vant við látin síðustu daga. Fundir út í eitt alltaf í byrjun viku og bara rugl. Í kvöld á ég frí og þá heldur Lárus fund – heima hjá okkur!!!! Aldrei friður

Annars bara flott að frétta. Dugnaðarfréttir af mér: í gærmorgun mætti ég í Rope Yoga, þegar því var lokið labbaði ég í vinnuna – tók nú ekki nema 10 mín ca en ég gekk rösklega. Eftir hádegi skellti ég mér svo í laugina með Steinunni Margréti og við syntum hvorki meira né minna en 800 metra. Spurning hvort ég þurfi nokkuð að hreyfa mig næstu 4 vikurnar….

Í gærkvöldi ákváðum við að skjótast útúr bænum, í bústað til Dabba og Dísu rétt hjá Þórisstöðum. Jebb eftir kvöldmat pökkuðum við því allranauðsynlegasta sem maður þarf að hafa yfir nóttina og fórum af stað. Það var ofsalega næs, vel tekið á móti okkur með kvöldmat(sem við þurftum ekki vegna þess að kvöldmaturinn okkar var búinn!!), hvítu, rauðu, öl og því sem hugurinn girntist. Bara kósý. Spjallað fram eftir nóttu og þegar við vorum öll orðin rauðeygð og hálf orðlaus af þreytu ákváðum við að gefa eftir. Enda hvíta og rauða búin… svo ekki yfir neinu að hanga   Nóttin var ansi hvöss og svefnleysi angraði þreytta gamla fólkið að morgni. Hvassviðrið var svo mikið á köflum að við áttum alveg von á að skíða með bústaðnum niður hlíðina… shit þetta voru rosalegar hviður. Húsið svoleiðis nötraði eins og í jarðskjálfta. En mikið var yndælt að skreppa aðeins út fyrir bæjarmörkin.

Ég er farin að hugsa rosalega mikið um næsta sumar. Þó mér finnist veturinn frábær og allt það þá hlakka ég svo til að fara í fjallgöngur að það er eins gott að maður standi við þetta. Sinni þessari brjálæðislegu þörf sem er að hellast yfir mig. Eftir að hafa labbað Fimmvörðuháls síðasta sumar þá er löngunin hjá mér, pabba og fleirum mikil til að halda áfram. Taka næsta skref Eins gott að næsta sumar verði ekki ALGJÖR andstæða síðasta sumars. Nú er stefnt á einhverja góða dagsgöngu. Td Leggjarbrjót eða að labba innúr Þórsmörk og að jökli. Ekki svo mikið upp í móti meira á jafnsléttu. Einnig hægt að labba inn Slippugilið og fleira í mörkinni. Það væri æði að labba þarna um allt. Þetta er svo dásamlegur staður.

Spurning hvort við förum í Aðalvík í sumar. Þar er nú annað himnaríki. Þá verður maður að staldra aðeins lengur við og labba og labba af sér fæturnar þar.

Já einhvern veginn þá kemur sumarið sterkt upp í mér núna Kannski vegna þess að maður finnur hvernig daginn er að lengja og hvað það er allt mikið léttara þá. Kannski vegna þess að maður finnur þungann yfir þjóðinni í svona lægðum og látum. Allir frekar þreyttir myndi ég segja.

Í nótt fór ég í aðgerð, á tánni! Ég var skorin í tánna – alveg niðrí bein (táin var eitthvað þykkari á mér í nótt en í dag!!) þangað var svo skellt húð eða himnu og bitinn sem var tekinn setur á aftur. Þetta var gert því það var “ónýt” beinhimna í tánni sem hefði leitt til dreps í henni. Ég var ekki svæfð, bara deyfð – minnir mig – og þetta gekk rosalega vel. Ég gat samt ekki stigið í fótinn strax og þetta var doldið drama.

Ég vaknaði við þetta – fann að ég hlífði fætinum svakalega þegar ég vaknaði heehehehe svona lifir maður sig inn í þetta Ég var ekkert smá þreytt þegar ég vaknaði – óboy….

á slepju? Neeehhhh…

Ég er sem sagt ein heima. Enginn agi, Lalli ekki hér til að berja mig áfram og ég hangi bara á slepjunni. Annars er ég búin að vera ágætlega dugleg í dag, þrátt fyrir minni svefn þessa nóttina en hinar fyrri. Það var innflutningspartý hjá Lalla bró og frú í gær. Gunnari Inga og Þorbjörgu.  Rosa fjör, og við – gamla fólkið – fórum ekki fyrr en um hálf 5! WOOOWWWW .. við erum alveg rosaleg!   En partýið var frábært, blaðrað, sungið, dansað og allur pakkinn bara.  Alltaf gaman að fara í skemmtileg partý.

Læra meira og svo er spilakveld í kveld. Stelpukveld. ADIOS amigos

í gær fékk ég uppsagnarbréf í pósti. Mjög formlegt uppsagnarbréf. Umslagið merkt heilsugæslu Árbæjar. Þar var mér tilkynnt að ég hafi verið skráð hjá Mörtu Lárusdóttur heimilislækni. Hana hef ég aldrei hitt. Hef þó heyrt af henni því fjölskyldan fór til hennar þegar fyrri læknir hætti. Nú er sem sagt Dr. Marta að hætta og enginn til að taka við!!! Þar sem þétt er setið og ég ekki skráð á lögheimili í Árbæ er mér sem sagt sagt upp. Ef þær upplýsingar eru rangar og ég búi í hverfinu megi ég hafa samband og mér komið fyrir. Annars megi ég bara éta það sem úti frýs. 

Ég lýsi hér með eftir nýjum heimilislækni. Hvenær ætliði mínir kæru læknanemar að drífa í náminu?? c”,)  og ætliði ekki örugglega í heimilislækninn öll? hehehe..  Ég er ekkert sérlega erfiður kúnni. Ekki enn amk. Spurning hvenær heilsunni hrakar og/eða hvort.