slepja.com

Jæja – fyrsti skóladagurinn var ekki svo slæmur eiginlega var hann bara mikið betri en ég var farin að halda að hann yrði. Farida Sharan – skólastýran frá USA er bara alveg ferlega afslöppuð og hlý. Alltaf hlæjandi. 65 ára kella.

Við vorum bara að spjalla, kynnast og sjá afrakstur skólastarfsins hennar í gegnum tíðina. Fengum svo 3 bækur og þykka möppu. Ég hef nóg að lesa í lithimnufræðum fram yfir jól!! held ég þurfi ekki bækur þessi jólin – ég sem er alltaf að biðja um bækur HAHAHA fljótt skipast veður í lofti. Jú ætli það verði nú ekki bara gaman að lesa eitthvað annað en þessar þrjár í lithimnufræðum/iridology.

Jæja þið þurfið að fara að passa ykkur þegar ég fer að stara í augun á ykkur og lesa eins og opna bók! (jeahh right)

Skóli á morgun og Brullup Þorbjargar og Gumma um kveldið. Sjáumst síðar

Jebb nú er föstudagurinn 31. ágúst og ég kveð ykkur kæru vinir í bili HAHAHAHa.. Helgin er nokkuð þétt setin. Hver mínúta nýtt og sumar mínútur tvíbókaðar…. Enn hefur held ég ekki verið þríbókað HAHAHA. Ég myndi líklega ekki þola það!

Fyrsti skóladagurinn í dag. Brúðkaup á morgun – og skóli, á sunnudag er skóli og tónleikar – Norah Jones. jibbíííí… 

Fyrir þá sem hafa fylgst með mér eða heyrt mig tala um það að ég ætli ekki að hætta á Heilsubrunninum endanlega fyrr en í lok okt þá verð ég að segja að planið hefur breyst. Ég hætti á Brunninum föstudaginn 14. sept og verð alfarin á Heilsuhvol mánudaginn 17. sept. Spennandi. Þá hef ég helgina til að koma mér endanlega fyrir, negla nagla, bora í vegg og raða í hillur. Kaupa það sem vantar og svo framvegis. Og nei það verður ekkert reisugil – nema með jurtadrykkjum, teum og ávaxtakökum :Þ híhíhíhí.. Þið verðið bara að koma í nudd til að sjá. Nú eða koma meðan við erum að ganga frá þessu og sjá.

Jæja farin að undirbúa mig fyrir skólann – þarf að drekka jurtirnar mínar og narta í eitthvað of litríkt. Fara í bað og klæða mig í litríkt!! (já þetta er skrítinn skóli sem ég er að fara í…. )

Góða helgi kæra/i þú.

Kv Helga Dröfn

er kominn í loftið. Fréttirnar eru enn ekki margar en þær fara að detta inn. Lalli snillingur er búinn að föndra við síðuna og hún fer bara batnandi.

Ég fór ferð með dót úr ruslaherberginu okkar (áður kallaðist það tölvuherbergi, aukaherbergi og einhverjir kölluðu það barnaherbergi - án barnanna!!). Nú er sem sagt aðeins búið að létta á því herbergi og hver veit nema frökenin á heimilinu taki sig til, bretti upp ermar og spýti í lófana og geri eitthvað í þessu herbergi!! Hugsanlegt að það verði vistlegt, jahh amk vistlegra eftir smá tiltekt og þrif! Klára kannski að mála það og hengja upp gardínur. Já það er ýmislegt eftir þarna inni. Höfum hingað til hallað herberginu eða jafnvel bara lokað því til að taka ekki eftir þessu!

Ég mun reyna eftir bestu mögulegu aðstæðum að koma nýju aðstöðunni minni upp sem fyrst svo ég geti nú bara farið að drífa mig þangað. Upphaflegt plan var það að fara ekki endanlega þangað fyrr en eftir miðjan október. Það plan breyttist skyndilega í dag! jebb það er ekki lognmolla í amstri dagsins hjá heilsunuddaranum

Ein ég sit og sauma hérna á skrifstofunni. Jahh ég hefði amk átt að taka með mér saumadót. Það er eitthvað svo lítið og fátt sem liggur fyrir núna. Og það litla sem liggur fyrir nenni ég ekki að gera eða þarf að fara út til að sækja það! Ég er víst “skylduð” til að sitja hérna og taka á móti ÖLLUM sem koma (það kemur aldrei neinn!!).

Fyrsti skóladagurinn er á föstudaginn næstkomandi. Þá er, eins og í öðrum skólum, fyrsti dagurinn tekinn í að hittast, kynnast, ræða saman og fara svo bara sem fyrst heim. Laugardagurinn er svo fyrsti skóladagurinn. Ég held að ég sé að fara í leikskóla. Reyndar er bókin sem ég er að lesa frekar þung og kannski ekki hæf leikskólabörnum en á laugardag og sunnudag er ég að fara að dansa. Dansa, fara í yoga, borða og slaka á!! Hljómar það ekki soldið eins og leikskóli. Hugsanlega fáum við líka að lita HAHAHAHA…   Ég verð í skólanum sem sagt næstu helgi og svo fæ ég mánudaginn frí. Svo er kennt 2 daga og 1 dag frí þar á eftir þangað til þann 15. sept. Virku dagana er ég í skólanum frá 16 – 22 svo ég verð að hætta fyrr í vinnunni. Eftir að þessi törn er búin þá fer ég að koma dótinu mínu á Heilsuhvol þar sem ég ætla að koma mér fyrir og fara að vinna þegar ég er búin að gera herbergið kósí. Lalli er byrjaður að búa til heimasíðu heilsunuddarans. Það er reyndar bara kominn haus. En það mjakast! Einhverstaðar verður maður að byrja, ekki satt?

Theódór Helgi stóri gaur er 3ggja ára í dag. Ótrúlegt hvað tíminn líður. Jiminn.

Jæja verð að fara að sýna að ég geri eitthvað hérna! Ekki það að það sjái það nokkur hræða. Hafið það gott kæru vinir. Lifið heil en ekki..

HEBÖB

Vantar þig létta vinnu í 2 tíma á dag í 2 vikur (til mánaðarmóta), eða þekkirðu einhvern sem er til í það? Láttu mig þá vita.

Kv Helga Dröfn hd@slepja.com