Belgísk undirföt sem voru til sölu í heimakynningum eru til sölu ódýrt (að sjálfsögðu ónotað haha). Lagersala – hún er að hætta með þetta. Allavega þá er þessi lagersala á Laugardaginn 3. feb (næsti laugardagur) milli 12 og 16 á Hjallahlíð 15 í mosó.
Allir áhugasamir endilega losa konuna við lagerinn sinn 
Hún heitir Ólöf
Ég er að vinna svo ég kemst ekki. Kv HD
Ég er í afar erfiðu skapi í dag. Aðallega erfiðu fyrir sjálfa mig. Ég er eirðalaus og get ekki verið kyrr, get ekki gert ekki neitt og veit ekki hvar ég á að byrja eða hvað ég á að gera við tímann. Mig langar út í göngutúr – en ég hef mig ekki út. Ég var boðuð á fund sem ég nenni varla á en langar samt! Mig langar að fara að kíkja á lokaútsölurnar td í Húsgagnahöllinni ofl stöðum en ég veit ekki hvort ég eigi að fara – hef nú varla efni á að kaupa nokkuð hvort eð er. Ég veit ekki hvort mig langar að fara ein á þvæling eða með einhverjum. Líklega er þó skynsamlegast að fara bara ein! Ég lagðist upp í rúm til að sjá hvort ég gæti lagst í dvala yfir þetta tímabil eða fundið hvar ég ætti að byrja og þar sem ég lá og horfði út um ógeðslega skítuga herbergisgluggann þá datt mér í hug að byrja á að þrífa gluggana sem ég næ í, sem sagt báða herbergisgluggana. Þarf að ná í græjur til að þrífa stofu og eldhúsgluggana. Það verður látið bíða. Spurning hvað kemur næst. Ég er svona að vinna í að koma mér í föt sem eru siðsamleg úti og drífa mig – einhvert/eitthvert!
Ég er búin að ákveða afmælisgjafir til Árna Hlyns og Kristjáns. En þeir eiga ekki afmæli fyrr en í maí og júlí. Tómas Snær á afmæli í byrjun feb og ég hef ekki hugmynd um hvað ég á að gefa honum. Er varla farin að hugsa það!
Skyldi ég komast í gegnum daginn?
Árni Hlynur brósi er kominn í framtíðarhóp fyrir landsliðið í sundi
Innilega til hamingju elsku Árni Hlynur.
Ég segi eins og allir í dag: Hvað er málið með Júróvisjón? Var þetta grín í gær? Allt þetta hæfileikafólk að leika sér að syngja falskt og asnaleg lög? Og svo ekki sé minnst á að hana Bríeti Sunnu? Hvernig í ósköpunum komst blessuð stelpan áfram? Hún var sú allra falskasta í hópnum. Jiminn eini hvað ég hlýt að hafa lítið vit á tónlist 
En já kjánahrollurinn einkenndi kvöldið. Vægast sagt.
Mér fannst hins vegar gaman að sjá Silvíu Nótt – þrátt fyrir að ég hafi yfirleitt haft frekar lítið álit á henni stelpunni þá var hún ekki alveg jafn ótrúlega ýkt eins og áður og þar með hafði ég bara dáldið gaman að henni.
Í dag, sunnudag, er ég bara búin að vera heima – í allan dag. Ég hef ekki einu sinni farið út á svalir! Ég fór reyndar niður í geymslu og þvottahús. En ég er svo sem ekki búin að sitja auðum höndum jafnvel þó ég hafi setið fyrir framan tölvuna og spjallað heillengi við Steinunni Margréti, aðeins við Berglindi Rut, Birki ofl. Ég er búin að ryksuga, skúra, þurrka af, hengja upp myndir, þvo þvotta, elda kvöldmat og dútla í ýmsu öðru. Svakalega dugleg.
Lalli fór upp á jökul í dag og því var ég bara ein hérna í þessu dúlleríi. Sem var bara mjög notalegt. Það er ofsalega gott stundum…. Annars ekkert að frétta
Bara Rope Yoga í fyrramálið. 6:15 baby jeahh.
Ég elska þetta veður. Á hvaða landi búum við eiginlega? Þetta er ekki típískt íslenskt amk. Kuldinn er góður, það má alltaf klæða hann af sér eða halda sig bara inni!
Ég fór í hádegispásunni minni í gær í bónus. Ákvað að bæta úr því sem Lalli kallar “ekkert til”. Það þýðir að þá er ekki til mjólk! Og bæta við fleiri hlutum sem mér fannst vanta. Sem er svo sem ekkert merkilegt að segja frá. Nema hvað, ég rölti þarna bara í rólegheitunum milli hilla og sé hvort ég muni eftir einhverju sem vantar, fer í kælinn eins og gengur, er að leita mér að rifnum osti sem ég sá ekki frekar en vanalega, búin að snúa mér í hringi og var að klára síðasta hringinn þegar ég rek augun í manneskju sem var voðalega mikið að skoða í ostarekkann. Eiginlega bara með nefið á bólakafi. Ég hef líklega starað heillengi á þessa manneskju þangað til ég ákveð að segja spyrjandi “Halldóra?” Engin viðbrögð ekkert svar, en svo réttir þessi manneskja úr sér og ég verð enn vissari og segi aftur enn hærra “Halldóra?” og þá snýr hún Halldóra sér við og heilsar. Jæja frábær saga hugsa allir. Nema við spjöllum og ég held áfram að raða í körfuna – næ mér í mjólk í grindina og þá bara hrinur ein á gólfið, hún springur og mjólk útum allt. Bara eins og skrúfað hefði verið frá krana. Jæja ég varð hálf vandræðaleg en sá að ég gæti náttúrulega alls ekki hlaupið bara frá þessum aðstæðum – í fyrsta lagi vegna þess að Halldóra stóð og horfði á þetta gerast og í öðru lagi vegna þess að samviskan leyfði það ekki svo ég stökk af stað að sækja hillu-í-raðara og hún þreif þetta upp fyrir mig… hjúkkett. Ég ákvað bara með det samme að kveðja Halldóru og rjúka út.
Sem betur fer er þetta ekki daglegur hlutur hjá mér – sjúkkett.
Mega gormahelgi framundan. Var að hugsa um að láta undan og leyfa Herði og Ástu Kristínu að gista ….. loksins. Þau eru búin að suða og suða og suða og suða lengi lengi lengi. Þá getur maður fríað sig í nokkra mánuði – þangað til næstu fara að suða hvenær þeir megi gista. En jæja já og svo á morgun laugardag þá eru ma + pa að fara á Þorrablót og þá er það mitt að sjá um það. Annað svo sem ekki mikið ákveðið.
Góða helgi allir. Bóndadagskveðjur