slepja.com

Þá er að koma að því. Ekki á morgun heldur hinn þá verð ég stödd í Rómaveldi hinu forna og slappa af eftir langt ferðalag (að mínu mati). Við Árni Hlynur verðum nýkomin upp á herbergi  með kampavín og jarðarber….. nei okey kannski ekki gott að fylla drenginn fyrir fermingu. Jæja okey við verðum kannski í köldu fótabaði eftir þetta allt saman. Hótelið okkar heitir reyndar Hotel Champagne svo mér fannst þetta við hæfi. Sjáum svo til hvort við höfum orku í að drífa okkur út að borða strax eða hvort við gleypum í okkur samloku og förum að sofa. Allavega þá efast ég ekki um að við verðum glöð en þreytt.

Nú er þriðjudagskvöld og ég er enn ekki farin að pakka. Kl er 23:00 og ég ætti í raun að vera að fara að sofa – en ég ætla nú samt að pakka smá! Amk taka smá til því annað kvöld er ég eiginlega búin að plana svo mikið að ég sennilega fer tómhent út - nú eða gleymi helmingnum.

Kristján sagði mér áðan að hann hlakkaði 98% til að fara. Veit ekki alveg hvað það þýddi – ég sagði honum bara að ég hlakkaði alveg amk 100% til!! Ef ekki mikið meira. Mér skilst að amk allir aðstandendur og fararstjórar séu mikið spenntari en keppendur HAHAHA.. samstarfskona mömmu er móðir/aðstandandi og er að fara, hún sagðist vera að springa, kennarinn hans Kristjáns er fararstjóri og hann er víst að flippa….. Aðalmálið er að hafa gaman. Right?

Jæja ætla að pakka smá í staðinn fyrir að sitja hér og blogga innihaldslaust blogg. Góða nótt og hafið það gott. Hér verður líklega lítið bloggað meðan ég er í burtu, nema Séra Lárus taki sig til og bloggi eins og meiníak á meðan. Hvur veit.

Til allra þarna úti sem ég/við erum búin að vanrækja síðustu vikur biðst ég afsökunar (það eru víst ansi margir!), það er búið að vera meira en nóg að gera daga og kvöld. Stefnum á að bæta úr því sem allra fyrst. Huhhuummmmm… Vonandi tekst það sem fyrst eftir heimkomu mína. Ég kveð hinsvegar að sinni og óska ykkur alls hins besta. Ég er farin að borða pizzur og pasta og krúpa fyrir páfa. Adios

Ég rétt gluggaði í veðurfréttirnar á www.mbl.is/mm/frettir/vedur/heimur og sá að þar samkvæmt spá á BARA að vera 20°c á fimmtudag. Hvað á þetta að þýða? Ég hélt að ég yrði þarna í ega mega blíðu. ha! Hver stjórnar þessu veðri hérna. Hverjum er svona illa við mig að láta svona vont veður vera akkúrat þegar ég mæti á svæðið?

Nei, nóg er nú komið af Silvíu Nætur ÉG ÉG ÉG….   En grínlaust ég hélt að það ætti að vera 25°c á þessum tíma. Ekki það að ég held að 20°c sé alveg nóg. Maður passar bara að vera með jakka með sér og kannski auka peysu. Meðan það rignir ekki stanslaust allan tímann hehe.  Og hver segir svo að mbl hafi alltaf rétt fyrir sér? Ég er nú eiginlega að spá í það að ég ætti nú eiginlega að nota það sem eftir er dags til að svona tína til það sem ég get tínt til sem á að fara með út. Dagarnir fram að flugi eru ekkert rosalega margir og ansi þétt setnir. Kannski maður noti bara aðfaranótt fimmtudags til að pakka. Ætli maður geti nokkuð sofið hvort eð er? Það er langt síðan ég hlakkaði svona til að fara til útlanda síðast. Mér líður eins og þegar ég fór fyrst til útlanda – já eða þegar ég fór fyrst til útlanda foreldralaus (í annað skipti sem ég fór til útlanda nota bene) Fæ alveg svona spennuhnút í magann þegar ég hugsa um þetta. Ætli ég taki ekki alveg hálfa vikuna að jafna mig á spennunni þarna úti.   Nei annars er þetta nú kannski soldið ýkt.

Svo ég tali nú um eitthvað annað en mig sjálfa daginn út og daginn inn þá væri kannski rétt að tala um betri helminginn minn líka. Hann er núna úti í skúr að rífa hálfa hásinguna í sundur (held ég) til að skipta um spindillegur og hjólalegur. Það má eiginlega segja að það sé undirbúningsvinna fyrir vélarskiptin. Gamli gráni fær nýtt hjarta á næstu vikum. Já þetta er ekki alveg jafn auðvelt eins og í blessuðu mannfólkinu þar sem þetta tekur bara örfáar klst. Það verða teknar vikur í þetta (og ef ég þykist vita rétt þá verður það talið í mánuðum frekar en vikum en Lalli vill tala um þetta í vikum hehe)  Þessi bíll verður ódauðlegur með þessu áframhaldi…. spurning hvort maður vilji það!! En hann drengurinn þykist koma nokkurnveginn á sléttu út úr þessum framkvæmdum mínus auðvitað vinnan sem fer í þetta! Ég held að ég komi ekkert til með að sjá hann fyrr en um jólin kannski. Held að það sé best að kveðja hann rosalega vel þegar ég fer út. Gæti verið það síðasta fyrir jólin.

Jæja farin að rúlla upp í kanilsnúða og henda þeim í ofninn.

Veriði sæl að sinni. Rómarfarinn

P.s Fyrir Gulla og Söndru ef þau lesa (og alla sem hafa áhuga) þá eru nýjar myndir af stofunni okkar á http://www.slepja.com/gallery/album89  Myndir af öðrum herbergjum eru eiginlega óþarfar því þar hefur lítil breyting orðið.

Það er að koma sunnudagur aftur! Á morgun. Jiminn eini hvar endar þetta eiginlega?

5 dagar í Róm herrar mínir og frúr. Ég er svo spennt að ég er næstum því byrjuð að pakka!!!

Við vorum að fá stóla við stofuborðið okkar þetta er að verða svo heimilislegt. Verst er tilhugsunin að maður situr eiginlega aldrei á þessum stólum því þegar við borðum heima þá er það gert með hraði við eldhúsborðið. HAHaha   Kannski við getum borðað við borðið okkar um jólin.

Talandi um að borða sjaldan heima. Ég held hreinlega að ég hafi ekki komið heim til mín fyrr en á milli 22 og 23 alla dagana í síðustu viku. Amk þri, mið, fim og fös… what a life? Enda verð ég að viðurkenna að það var unaður að sofa út í morgun. Þörfin var mikil. Og þú spyrð – sofa út, hversu lengi? hálf 9 kæru vinir hálf 9. Dásamlegt alveg.   Helgin hljómar svo bara nokkuð róleg enn sem komið er amk. Tel dagana áfram niður til Rómarferðar og svo fer að styttast í að ég geti talið klst líka. Nenni því þó ekki alveg strax!

Ég er farin að vinna aukavinnu…………………………. (workaholic?)  Mér bauðst óvanaleg staða á nýrri nuddstofu á Hótel Loftleiðum. “Óvanaleg staða” er kannski full djúpt í rassinn gripið sagt en þarna er sem sagt verið að opna stofu með óvanalegt nudd í boði. Þarna er stofa með íslensku hráefni og kryddað að kínverskum hætti. Þetta er nýtt á íslandi í raun. Þarna geta hópar komið saman – alls 10 í einu. Sé fyrir mér að vinnustaðir (Fyrir árshátíðir td), saumaklúbbar og aðrir hópar gætu haft gaman af að mæta og þiggja nudd saman. Þetta fer þannig fram að fólk fer í fótabað og fær örlitla bak, herða og höfuðmeðferð á meðan. Þegar því er lokið sest fólk í hægindastól með fætur upp á fótaskemli og fær fótanudd frá hné og niður á tær. Allir sitja saman í herbergi og getur myndast skemmtileg stemming á meðan á þessu stendur. Hægt er að fá veitingar niður líka og alles. Mjög skemmtilegt.          Ég sem sagt byrjaði þarna í gær, föstudag og svo ætla ég að vera þarna eitthvað með 100% vinnunni minni!!! Aðra hvora helgi eða kannski breyti ég því í þriðju hvora. Sjáum til hvernig ég verð um jólin HAHAHa..

Segi svo bara góða helgi til ykkar allra og hafið það sem allra best. HD

Er svona sunnudags”löt” í dag. Er í dúttleríi á heimilinu; þvo þvotta, skipta á rúminu, búa til skonsur og þ.h. Það er ofsalega lítið að frétta raunar.

Tíminn líður og í dag eru 11 dagar þangað við systkinin förum til Rómar. Mér er eiginlega að takast að gera bræður mína hrikalega spennta. Jebb ég er mikið spenntari en þeir hehehe…

Læt þetta duga við að láta vita að ég sé enn virk! (er enn að reyna að átta mig á því hvers vegna ég er enn virk!!!!)

Aldrei slíku vant þá var ég óvænt búin kl 4 í vinnunni. 2 tímum á undan áætlun. Það var ekki þannig að ég hafi unnið svo hratt að ég kæmist fyrr heim, það væri reyndar næs ef það væri hægt, en það duttu 2 út hjá mér í dag og þessvegna slapp ég fyrr heim. Ekkert smá glöð. Komst reyndar að því að ég vissi eiginlega ekkert hvað ég ætti að gera við tímann…. Var að væflast í vinnunni snérist í hringi í kringum sjálfa mig, ætlaði að fara að hengja upp þvott eða bara eitthvað en ákvað svo að drífa mig út áður en klukkan yrði 6 og þá hefði ég alveg eins getað unnið (fyrir launum) þennan tíma. Ég fór út – settist út í bíl og hugsaði hvert ég ætti að fara…. hvern ég gæti hringt í… eða hvað ég þyrfti að gera. Ég bara hafði ekki hugmynd. Hausinn tómur. Endaði svo með því að fara í IKEA og eyða smá pening. Sit svo núna hérna heima og er nokkrum sinnum verið við það að kveikja á TV að horfa á fréttir. En kl er bara 17:40 – það eru engar fréttir strax. En ætli ég fari ekki bara í það að taka aðeins til hérna… Þó það sé ekkert hörmulegt svo sem ástandið á heimilinu.

Það er eins gott að þetta komi ekki oftar fyrir!

P.s – þegar þetta p.s er skrifað er kl hálf 2 og ég Helga Dröfn er enn vakandi – ég er ekki svo gömul eftir alltsaman I can do it  HAHAHAHa og ég ætla að þrauka þáttinn allan þó Magni sé farinn heim. *geysp* ég hlýt að meikaða….