slepja.com

Svona í framhaldi af því að tala um að kunna ekki að sofa út þá ælta ég að tilkynna það að við Lárus vorum svo djörf að vaka yfir Rockstar í “nótt” Vorum svo spennt yfir þessu öllu saman að við ákváðum að halda okkur vakandi þennan hálftíma sem við þurftum að bíða og svo þáttinn. Ég ákvað að ganga frá hérna til að halda mér vakandi. Ég tók af snúrunum, setti í þvottavél, tók úr uppþvottavél og þreif klósettið :þ Ýmislegt gert sér til dundurs þegar maður þarf að halda sér vakandi! En það tókst.   Það var reyndar frekar erfitt að vakna í morgun – en hvenær er það ekki erfitt?

Dagurinn í dag í vinnunni var svipaður og vanalega. Labbaði svo í magadans og eftir magadansinn þá fékk ég far með Sólrúnu heim til hennar. Þaðan labbaði ég svo í 45 mín heim til mín. Þvílíkur mega hraustleikadagur Vonandi fóru nokkur grömm þar HEHEHE   Aníta var svo sæt að halda mér félagsskap hluta af leiðinni – hringdi í hana og blés eins og búrhveli meira og minna því ég var að labba upp brekku þegar ég talaði við hana HAHA

Annars er hún Ásta Sigrún að fara út á morgun. Gangi þér vel litla-stóra frænka mín.

Vonandi hafið þið hin það gott.

Merkilegt þetta með helgarnar og það að ætla að sofa út. Um helgina vöknuðum við alveg fáránlega snemma. Báða dagana. Á laugardag kl 7:30, ég reyndar reyndi að klessa aftur augun í nokkrar mínútur í viðbót og það tókst að einhverju leiti. Sunnudag vöknuðum við á milli 8 og 8:30, bæði alveg grútþreytt báða dagana. Svo kemur mánudagur – og þegar klukkan hringir kl 7:30 þá náttúrulega er alveg ómögulegt að opna þessi blessuðu augu!

Á sunnudaginn fórum við austur fyrir fjall. Skruppum í sund á Hvolsvelli og svo í afmælið hennar Ísabellu í bústaðinn þeirra. Þar náðum við bara pylsu í forrétt og drifum okkur svo í bæinn til hans Theódórs Helga og fengum okkur eftirrétt þar. Þar var haldin heljarinnar veisla í tilefni dagsins hans.   Very busy people í barnaafmælisstandi hehe.

Anna Margrét fer svo út á morgun. Óskum henni bara alls hins besta.  

Jeahh – tilkynningarskyldu lokið.

Reyndar ekki beint sænskir en í mínum augum var þetta mjög sænskt. Útimarkaður með allskyns handverki, skrani og drasli úr híbýlum fólks og matur.  Ég fékk alveg sama fiðring og þegar maður fór í sverige. Ég er reyndar alltaf “veik” þegar ég fer svona og langar að kaupa nánast af öllum. Ég lét mér þó nægja að kaupa BARA kerti af kamelsystrum – handmálað og útskurð frá Ásgarði – verkstæði þroskaheftra. Reyndar var allt grænmeti, rósir, sultur og þannig bara búið. En nóg eftir af hinu.

Ég fór með Kristján, Tómas Snæ og Hörð í útivistagöngu upp á Úlfarsfell í hádeginu. Dró þá svo með mér að versla og bera pokana með mér upp hehe – láta þessi börn vinna, ha! Drifum okkur svo á markaðinn. Nú á bara að henda gúmmelaði á grillið og fara að næra sig eftir herlegheitin.

Sæl að sinni

Hvað verður alltaf um virku dagana? Ekki það að helgarnar eru dásamlegar

Ég er að fatta það þessa dagana að það er ekki nema mánuður þar til ég, Árni Hlynur og Kristján förum til Rómar. Jibbí jibbí.. Ég er eins og krakki að bíða eftir jólunum. Skyldi ég geta beðið þessar rúmar 4 vikur. Amk verð ég bara að gera það – það kemur víst ekkert annað til greina.

Vikan búin að líða eins og aðrar. Nudd, nudd, magadans, nudd nudd, magadans, nudd og svo helgi jeiii… Helgin verður víst létt. Amk eins og staðan er í dag. Kannski við reynum að gera þessa stofu okkar eitthvað vistlega. Ég er búin að snúa henni ca 4x fram og til baka en ég kemst ekki að niðurstöðu um hvernig við eigum að hafa þetta hérna. Þetta hlýtur að ganga á endanum. Set svo myndir inn á netið fyrir Gulla og Söndru og þá sem vilja í útlöndum – en ekki fyrr en allt er komið á sinn stað.

Frænkur mínar Ásta Sigrún og Anna Margrét eru að flytja til útlanda. Á.S til Edinborgar og A.M til Parísar. Útstáelsi á þessu unga fólki  c”,)  Við hérna á slepjunni óskum þeim bara góðs gengis, skemmtunar og ferðar.

Mbk Helga Dröfn

Meðan ég man…. ef þið þekkið einhvern sem er að selja WC í stórum pakkningum til styrktar íþróttafélögum eða eitthvað þessháttar endilega látið mig vita. Mér finnst það langsamlega þæginlegast. Einhverra hluta vegna fer það í taugarnar á mér að þurfa að kaupa 12 rúllur í einu eða þaðan af færri. Til í að styrkja nokkra í einu – er með stóra geymslu Gott að eiga birgðir. Og talandi um tojara…. á einhver berjatínu. Maður þyrfti eiginlega að komast í ber í haust. Muna: ath það!

Gleðilega helgi annars. Og til hamingju með afmælið allir sem eiga afmæli þessa dagana. Steingerður á miðvikudag, Karl Axel í gær, Halldóra í dag og Kaja á morgun – djísúss….