slepja.com

Það rigndi eldi og brennisteini áðan, eins og líklega flestir hafa séð. Reyndar var þetta ekki svona kreisí þegar ég kom í Breiðholtið eins og það var “neðar” í borginni. Ég var í Cranio hjá Tinnu og þegar ég kom út þá var að byrja að demba og svo bara hélt ég að ég myndi drukkna á leiðinni í bílinn. Ó mæ ó mæ. Það var meiraðsegja svo mikill hávaði í rigningunni að ég þurfti að hækka geðveikt í útvarpinu til að heyra óminn. Fattaði það svo þegar ég var að koma í Breiðholtið hvað útvarpið var hátt því þá var búið að draga úr regninu. HEHEEE

Ohh það er komið eitthvað rugl á kommentin á færslurnar fyrir neðan. HEHE eiginlega bara fyndið. Eitthvað bull

Vikan búin að líða eins og á gervihnattaöld! Hroðalega hratt alveg, veit ekki hvenær ég sætti mig við það að tíminn flýgur. En já talandi um hvað tíminn líður hratt. Haukur okkar í Danaveldi komst á fertugsaldurinn á laugardaginn var. Til hamingju með afmælið Haukur.

Góða regnhelgi

Verð að blogga af gleði. Þó það sé erfitt að vinna þegar sólin skín inn í herbergið mitt þá er alltaf gleði að sjá hið stóra gula. Allir eru glaðari og ekki spillir það þegar ég kemst í sund í hádeginu. Já og ég brann meiraðsegja. Kom svo heim og settist niður í smá stund skrapp svo í sund aftur með Lalla og Gumma. Þá var reyndar ekkert ofsalega mikil sól ennþá – amk ekki ofan í pottinn, sem var eiginlega allt í lagi því ég vill nú eiginlega ekki brenna meira. Ég var meiraðsegja svo endalaust dugleg (egóisti) að ég synti alveg heila 300 m og geri aðrir betur. (okey það er kannski ekkert erfitt að toppa það eeeennnn…)

Annars fátt að frétta. Lárus búinn að vera lasinn og var rekinn heim á mánudag, var svo heima á þriðjudag en hafði ekki eirð í sér að vera heima í dag miðvikudag líka. Svo hann fór veikur í vinnuna og svo í sund á eftir. Óþekktarormur.

Siggi er óðfluga að nálgast þrítugsaldurinn. Hann náði 26 ára aldrinum í dag. Við hérna á slepjunni óskum honum að sjálfsögðu innilega til hamingju með daginn.

Endurnýjun gallerísins er á fullu. Þetta er allt að koma. Veit svo sem ekki hversu margir aðrir en ég nenna að skoða myndirnar oftar en einu sinni. En það er gaman að skoða reglulega ákveðna viðburði. Amk finnst mér það.

Verið annars sæl og hafið það gott í sólinni. Bleeeeeeeeeeeeeeeeeeesssssssssssss

Jæja góðir hálsar – þetta virðast ætla að vera svona “helgarblogg”. Bara skrifað hér um helgar eða eftir helgi. Enda búið að vera hálfgert andleysi yfir þessu bloggi – fátt að gerast og/en nóg að gera.

Í gær laugardag fórum við í tilefni af því að amma mín verður 80 ára næsta föstudag (16.júní) austur í Fljótshlíð að borða á stað sem heitir Kaffi Langbrók. Við fengum yndislegt íslenskt lambakjöt og með því og svo köku í eftirrétt. Eftir það tók við trampólínhopp til að blanda öllu saman. Við Lalli vorum þar ekki minni en litlu börnin. (sjá myndir á http://www.slepja.com/gallery/album08 ) Keyrðum svo austar á Seljalandsfoss og svo bara heim á leið. Kvöldið var tekið í að gera samasem ekkert. Blaðra í símann og hanga á netinu…. Við sem sagt gerum aldrei neitt! Og vegna þess ætla ég að kveðja í bili og sjá til hvort þessi síða komi til með að halda einhverju lífi eitthvað áfram. En ég hvet ykkur að fylgjast með myndasíðunni reglulega áfram. Reyni að henda þar inn myndum af því sem við gerum svona þegar eitthvað spennandi er að gerast!

Eins og áður sagði fórum við Lalli útúr bænum á laugardagsmorgun. Það var reyndar komið hádegi þegar við brunuðum loksins útúr bænum því ég datt á bólakaf í Harry Potter og blendingsprinsinn og vegna þess hve lítið var eftir þá varð ég að klára. Nauðsyn! Svo vorum við að eltast við eitt hér og annað þar og þá æðir tíminn bara áfram.

Í stuttu máli: Ferðin gekk vel í alla staði. Veður nokkuð gott allan tímann. Við gistum á Hömrum í Kjarnaskógi í roki/gjólu nánast alla helgina. Keyrðum mikið, skoðuðum Goðafoss og brunuðum allaleið í Hljóðakletta, en þar var enn snjór og vitleysa svo við gátum ekki komist að þeim svo við eigum það ennþá eftir. Við fórum í sund á Akureyri, í bíó og ýmislegt svo það var margt brallað. Notaleg helgi vægast sagt.

Það sem kom mest á óvart: Það er án undantekninga hvað fólk almennt er orðið slappt í umferðareglunum…. eða umferðaröryggi eða bara sambland af þessu öllu. Öll þessi slys koma mér bara ekkert á óvart með tilliti til þess að amk 3x alla helgina (og þar af 2x á leiðinni norður) keyrðu bílar bara hreinlega í veg fyrir umferðina á þjóðvegi 1. Fólk bara að koma af bílaplani eða frá öðrum vegi. Sumir láta eins og þeir líti hvorki til hægri né vinstri. Það var kona sem fór fram fyrir rútu sem var fyrir framan okkur, hún var með barn í bílnum, keyrði á 80 km/klst og gaf svo stefniljós til hægri – eins og til að hleypa framúr -á beinni línu upp brekku. Er fólk klikkað? Skildi svo ekkert hvers vegna við fórum ekki framúr!!!!!!!!!!!! Finnst fólki þetta í lagi? Er henni alveg sama um barnið sem sat í bílstólnum aftur í hjá henni? Afsakið en ég er hneiksluð – vægast sagt. Og sérstaklega vegna þess að þetta var ekki eina dæmið. Lentum svo aftur í þessu með stefniljósið – einhver ætlaði að hleypa okkur fram úr á heilli línu þar sem ALLS engar aðstæður eru til framúraksturs.

Niðurlag helgarinnar; Fólk er fífl en helgin var góð c”,)

P.s myndir komnar á www.slepja.com/gallery

Ég ætla með Lalla og Lalli ætlar með mér í fyrsta tjaldferðalag sumarsins. Við stefnum á sólina norður – eitthvað…. ætlum bara að krassa einhverstaðar þar sem það er gott veður og nóg pláss. Vonandi fer bara ekki að rigna allstaðar þar sem við erum. En þá er bara ekkert annað að gera en að bruna í bæinn aftur.

Farvel allir þarna úti og hafið það sem allra best um þessa löngu helgi. Drive safely