í fyrsta sinn frá því að ég hóf eldamennsku mína þá bjó ég til uppstúf og hafði bjúgu með. Nammi namm. Ég fékk það unaðslega hrós að það væri bara “eins og hjá mömmu”. Er það ekki besta hrós sem maður getur fengið frá fólki? Held að flestum þyki “mömmumatur” bestur.
Ekkert að frétta af okkur vinnuhjúum. Bara af öðrum að frétta – mega frjósemi í danaveldi. Nokkur jólabörn á leiðinni 
Hljóta fleiri að fara að bætast í hópinn. Til hamingju þið sem tilheyrið þessum flokki fólks HEHEHE
Þegar Lalli var vaknaður í morgun og kominn á ról þá sagði ég við hann; Jæja nú löbbum við niður í Ölduselskóla og kjósum, svo skulum við koma við í bakarí og kaupa okkur nýbakað brauð á heimleiðinni. Lalli sagði já (ótrúlegt en satt) og svo ákváðum við að þramma út Það er nú reyndar örlítið lengra í Ölduselskóla en ég átti von á – en það er samt ekkert langt. Svona erum við nú dugleg. Ég tek það fram að Lalli er að DREPAST úr harðsperrum eftir gymmið í gær svo hann var eiginlega duglegri.
Annars ætlaði ég bara að láta vita að ég smellti inn nokkrum myndum frá Úlfarsfellsgöngunni hjá okkur skvísum á Uppstigningardag. Þær eru ekki margar – en útsýnið er geggjað þarna uppi Mæli með klst göngu þarna upp og niður einhvern góðviðrisdag fyrir þá sem nenna. Tekur ekki lengri tíma. Jafnvel með nesti og nýja skó.
Þeir eru bókstaflega að leggja mig í einelti. Af hverju sleppur Lalli svona vel? Og kannski þið hin líka??
Yfir í annað skemmtilegra – Ásta Sigrún frænka mín, sem ég fer nú að kalla stóru frænku því hún varð tvítug á þriðjudag, og er nýstúdent í dag. Stór vika hjá duglegu fólki Innilega til hamingju með daginn kæra frænka. Kyss kyss
Já vaknaði kl rúmlega 9 og fór í fjallgöngu fyrir kl 11 og komin heim um hálf 1. Dagurinn allur eftir… Yndislegt.
Ég fór sem sagt ásamt Anítu og Ragnheiði í fjallaleiðangur upp á Úlfarsfell í morgunsárið og bongóblíðunni sem liggur nú yfir borginni. (okey það er ekkert massahlýtt – en það er sól) Við gengum upp og enn lengra upp skrifuðum okkur í gestabókina þar og fórum svo niður á við. Þetta var algjört æði og vonandi gerum við þetta nú að vana bara… helst allar helgar – 1x í viku er bara æði. Svo hægt að labba bara á malbikinu þess á milli. Unaður
Gulli og Sandra lentu á klakanum í gær og Steingerður frænka og Júlía fara í dag. Allt að gerast. En mikið verður nú gaman að hitta Gulla og Söndru aftur jibbí
Jæja ætla nú að drífa mig í að teygja smá, fara í bað og drífa mig svo í útskrift hjá henni Hörpu Stefáns í smá stund. Gleðilegan uppstigningadag annars og endilega drífið ykkur út í góða veðrið.
P.s ég er meira að segja þreytt í höndunum eftir labbið…. djöfull er ég í lélegu formi. Djísúss…
Ég hef nú aldrei haft mikinn áhuga á kosningum og mér leiðist þessi tími loforða og stórsvika. EN í fyrsta sinn í ár hef ég samt örlítið meiri áhuga og skoðanir á málum borgarinnar en áður (ellimerki??) Þó get ég sagt að það er skelfilega fráhrindandi að verða fyrir þessari pressu sem sumir flokkar beita manni. Ég hef ekki tekið ákvörðum um það hvað ég ætla að kjósa en hef þó hugmyndir sem ég ætla nú bara að hafa fyrir mig sjálfa. Eitt er þó alveg ljóst. Samfylkinguna hef ég ekki hugsað mér að kjósa – af einni stórri ástæðu. Þeir eru svo uppáþrengjandi að mig langar að æla…. Þeir hringdu í mig á föstudag, á sunnudag fékk ég póst frá þeim í póstkassann hjá mér og á mánudag fékk ég 2 alveg eins sms. Svo ekki sé minnst á allar helv auglýsingarnar sem eru frá öllum en ég get svarið það að samfylkingin er verst.
Ojbara… þeir fá ekki mitt atkvæði – ég skil það vel að þeir séu að missa fylgi, þeir kaffæra lýðnum!