slepja.com

Þetta telst svo sannarlega til tíðinda… Við Lárus fórum út á föstudagskvöldið kl 23:00, þá er maður vanalega farinn að halla augunum yfir TV-inu. Nú eða að koma heim Það var allt honum Dabba “að kenna”. Hann hringdi og sagði að æskuvinur hans væri að fara að spila á Kaffi Viktor og hann langaði að fara og hafa einhverja með sér. Við ákváðum að við gætum ekki sagt annað en já þar sem við gerum ekki djakk sjitt daginn út og inn. Verðum að láta fréttast af okkur þetta eina skipti á ári sem við gerum eitthvað HAHA (ekki það að það fréttist neitt mikið af manni á Kaffi Viktor….) Það var ferlega gaman að fara og sjá guttana. Þeir spiluðu eiginlega allt milli himins og jarðar. Ég held að ég hafi getað sungið með öllum lögunum nema 1. Svo skemmtilega vildi líka til að Aníta var þarna með Ragnheiði og Erlu (þar sem Erla þekkir gaurana sem voru að spila!) og svo var Gunnar Ingi (Lallabróðir) og hans félagar þarna á næsta borði við stelpurnar. Mjög gaman. Eins og ég segi, við skemmtum okkur konunglega og hver veit nema við gerum þetta aftur á næstunni HAHA.

Reyndar verð ég að segja að Kaffi Viktor er ekki spennandi staður. Þarna voru 3 týpur af fólki (fyrir utan fylgdarlið bandsins). Ógeðslega þurfandi gamlir karlar, kellur af sama sauðahúsi og svo þurfandi innflytjendur, margir í eldri kantinum líka.. Virkilega geðslegt. Hefði ekki staldrað lengi þarna inni ef ekki hefði verið fyrir þetta band. Man þegar Kaffi Viktor var að opna að þá var aldurstakmarkið þangað hærra en á marga aðra staði, þótti svolítið plebbalegur og fínn. Óboy hvað þessi staður þyrfti að taka sig í gegn til að endurheimta “sjarmann” aftur.

já, hva fjandi hefur maður farið víða….

create your own visited countries map
or vertaling Duits Nederlands

Augljóslega nóg eftir samt Birkir, skora á þig að setja svona kort hjá þér ef þú hefur ekki þegar gert það.

Lalli

Fórum út að borða á sunnudagskvöldið á stað sem heitir Við Tjörnina. Ömmulegur staður – þó ekkert líkt ömmu minni þarna inni, en samt er þetta ömmulegt. Ég, Helga Dröfn yfirgikkurinn, pantaði mér í fyrsta sinn fiskrétt. Spilaði mig reyndar frekar “seif” og fékk mér lúðu sem ég hef smakkað tjahh sennilega svona 4 x áður og varð ekki fyrir vonbrigðum Þetta er nota bene svona sjávarréttastaður – en að sjálfsögðu hægt að fá kjötrétt líka. Var sko búin að ákveða að fá mér lambalundirnar en gerðist svo kræf að skipta um skoðun og panta mér fisk. Shit happends..

Við fórum út að borða með Anítu og Val og Sólrúnu og Trausta. Ofsalega notalegt og gaman. Staðurinn er skemmtilega hvað á ég að segja…. hálfpartinn lummó en samt ótrúlega kósý. Þær sem þjóna til borðs eru mjög óhefðbundið klæddar og heimilislegar með hárið bara svipað og þær vöknuðu í morgun nema kannski klemmu eða spennu hent í það mesta til að halda því frá andlitinu. Það hrundu á okkur englar af himnum, með kennaratyggjó á bakinu. Mjög heimilislegt sem sagt. Mæli alveg með þessum stað, frekar dýr, maturinn vægast sagt góður og flottur og staðurinn afslappaður og kósý.

Annars er ég sem sagt búin að gera það opinbert að við Lalli erum ekkert nema gamaldags og hallærisleg. Dagbjört gerði okkur það ljóst með kommenti á síðustu færslu. En því miður Dagbjört mín ef þú ætlar með okkur á rúntinn seinna að nóttu þá held ég að við myndum kæfa þig úr geyspum – ef við gætum þá haldið okkur vakandi HAHA. Ég verð þreytt við tilhugsunina. Ég er skelfileg.

Heyrumst síðar HD

Við hjúin sem urðum eldgömul á einni nóttu fórum í gærkvöldi (laugadag) á rúntinn. Okkur langaði bara að rúnta aðeins um borgina með ekkert fyrir stafni beint og ákváðum að rúnta Laugaveg til að rifja upp gamla tíma. Vorum á þvælingi um kl 23 og ég varð ekkert smá hissa. Er dottið úr tísku að rúnta? Augljóslega ofsalega langt síðan við fórum á rúntinn síðla kvölds enda erum við með eindæmum kvöldsvæf og löt. En það voru bara ofsalega fáir á rúntinum! Er kannski rúnturinn búinn að færast til eftir opnunartíma skemmtistaðanna? Seinkar öllu með seinkun lokananna? Eða er enginn að týma að eyða bensíni í rúntinn. Það er reyndar hugsanleg skýring. Fólk fer sennilega frekar niðrí bæ á fyllerí en að eyða þessum krónum í rúntinn. Kemur kannski út á það sama og þá tekur maður nú sennilega skemmtanagildið frekar en hitt..

Frídagurinn í dag var ágætlega nýttur þrátt fyrir leti heimamanna. Sváfum alveg þangað til kl var nokkrar mínútur yfir 8 og skömmu síðar vorum við komin á ról, farin að narta í hollan og staðgóðan morgunverð og gleypa í okkur lýsi. Málingafötin og olíugallinn rifin fram og drifið í verkum dagsins. Í stuttu máli sagt; búið er að mála geymsluna, rífa dempara úr bílnum, kaupa nýjan og setja þennan gamla í aftur, versla mat og nú er verið að vinna í að fara að elda. Ágætis dagur sem á ekki eftir að versna þar sem Birkir ætlar að koma og narta með okkur í kveldmat að hætti hússins.

Þangað til næst – yfir og út. Heböb