slepja.com

Stelpurnar báðar sofandi (tala ég eins og þær séu litlu börnin mín!) og kemur á óvart að fröken HD skuli vera vöknuð fyrst =) eða ekki!

Steinunn Margrét kom á föstudag með flugi og lest og sótti ég hana bara á lestarstöðina eftir vinnu. Við sátum og blöðruðum -hela tiden- frá því að hún kom (kl 15) og þangað til ég var nánast farin að dotta á milli setninga í sófanum um 00:30. Vöknuðum um 9 (HD löngu vöknuð) og fengum okkur morgunmat og drifum okkur af stað í snjónum og sólinni til Arlanda að sækja Þorbjörgu. Ferðin til Arlanda gekk vel, rötuðum alla leið eins og ekkert væri. En þegar við ætluðum inn í stokkhólm að skoða okkur um þá var einhver þreytupúki skriðinn í mig og ég gerði ekkert nema villast, keyra fram og til baka, út og suður – allt til að sýna þeim hin ólíku hverfi Stokkhólms!!! (og mér líka því ég hafði aldrei komið á þessa staði). Á endanum rambaði ég á bílastæðahús sem var á besta stað – frábært. Skoðuðum nokkrar búðir (með nokkuð góðum árangri), fengum okkur að borða og létum svo henda okkur útúr búðunum sem voru allar að loka. Borðuðum í Gamla stan í gömlu neðanjarðarfangelsi – ferlega fyndið.
Heim var haldið í myrkri og gekk merkilega vel að koma okkur útúr centrum á rétta hraðbraut (eftir bara ein smá mistök) og heim var haldið – En reyndar var greinilega “einhver búinn að taka skiltið” sem ég átti að fylgja í rétta átt svo við héldum í átt að Helsingborg. Ekki alveg rétt leið. En með smá hjálp frá Söndru þá komumst við heim með smá krókaleiðum í gegnum hina ýmsu smábæi og þyrpingar. Úff talsvert lengra ferðalag en haldið var með í upphafi!
*Lærdómur dagsins: aldrei keyra í Stokkhólmi nema með fulla meðvitund og óþreytt

Svengd, þreyta og gleði fylgdi okkur inn í íbúð seint og síðarmeir. Festað fram eftir nóttu og steinrotast svo til hádegis í dag, eða sumir til morgunkaffistíma.

Sæl að sinni HD

Jæja fariði að pakka fleiri jólapökkum inn og senda mér, jólatréð er enn á svölunum og massa jólasnjór útum allt. Geggjað. Meiri snjó meiri snjó meiri snjó

Annars af mér að frétta að í gærkveldi var ákveðið (eða ákveðið í dag reyndar), voru drög lögð að því að um helgina fái ég tvöfalda heimsókn. Gaman gaman. Reyndar hálf kjánalegt að vera búin að pakka mestu “kósíhlutunum” áður en þær koma. En já ætla að kynna þær til leiks. Stelpuhelgin okkar kemur til með að innihalda að mér frátaldri Steinunni Margréti og Þorbjörgu. Auk þess sem Sandra verður ekki langt undan og Gulli (hann er sérstakur gestur um stelpuhelgina ). Steinunn kemur á föstudag og Þorbjörg kemur á laugardag og ætlar að vera með á karateæfingu á þriðjudagskvöld. Gaman gaman. Ætlar þar að hitta gamla karatefélaga sem hún kynntist og hitti í þá gömlu góðu þegar hún var að æfa.

Svo það verður fjör hjá okkur stöllum um helgina. Svo ég verð að spýta í lófana og halda aðeins áfram að pakka svo ég neyðist ekki til að hætta fyrr í vinnunni til að klára HAHAHAHA…

Jæja sjáumst í mars allihopa – eftir mína reisu til DK
Helga Dröfn

Dagbjört átti afmæli í gær, Hildur í dag og Tómas Snær brósi ekki á morgun heldur hinn (9. feb), Nóg að gera sko!
Vill einnig minnast þess sérstaklega að hann Siggi á afmæli 21. júní – hann er orðinn svo spenntur að eiga afmæli að ég ætla að reyna að stytta biðina hjá piltinum!

Annars ekkert að frétta svo sem. Bara þarf að herða mig aðeins í að pakka ef ég ætla að komast heim með vorinu.
Hlakka til að hitta ykkur öll og til hamingju með daginn öll sem eigið afmæli í feb.

Ég dreg allar vorhugleiðingar til baka – það er ekki -10°c þegar það er vor – ekki einu sinni á íslandi. BRrrrrr…

En já karate á eftir – á laugardögum erum við með litlu krílunum í karate. Allt frá 5 ára guttum til 60 ára gutta. Ferlega fyndið. Á laugardaginn síðasta þá lenti Sandra á móti einum oggulitlum 5 ára strák. Algjört peð – en geggjað fyndið. Áttum svo bágt með okkur allan tímann. Ég lenti á móti öfgametnaðarfullum ca 8-9 ára strák. Ótrúlega vel greiddum og svona, hvað á ég að segja… “fullkomnunarsinna” HEHEHE gaman að þessu öllu.

2 kössum hefur verið lokað. Sem sagt byrjuð á þessu veseni. Gaman gaman.

Þangað til næst – hafið það sem allra best, Helga Dröfn

Jæja það er komin helgi – vildi bara láta ykkur vita

Hafið það sem allra best um helgina. Ég ætla að reyna að byrja að pakka og þrífa bílinn og svona. Er hætt að finna hann því hann er svo skítugur.

Helgar Helga í helgarstuði