slepja.com

já, eins og glöggir lesendur sáu, þá er ekki mikið um rólegheit í okkar lífi eins og er. Búsett í sitthvoru landinu tókst okkur samt að komast að samkomulagi um íbúð sem ég bauð svo í. Við ætluðum ekkert að gera þetta núna, planið var að fara að skoða fyrst þegar HD kæmi heim og spara þangað til, gera þetta í rólegheitum. En neinei, ég sá þarna íbúð, ákvað að fara að skoða… og leist svona helvíti vel á þetta maður!

Ég bauð talsvert undir uppsettu og fékk talsvert lægra móttilboð en ég átti von á! sem er bónus svo nú erum við eigendur að Dalseli 35 !!!! fáum afhent 1. apríl eins og áður hefur komið fram.

Ég henti inn myndum í ganni á slepjugalleríið, þær má líka nálgast HÉR.

Vinnan er brjáluð, fundir eftir fundi eftir fundi, og maður má ekki vera að því að vinna fyrir þessu hehe.. en þetta er rosagaman og ég hlakka mikið til að verða góður í þessu sem ég er að gera.

Jæja, nú er kominn tími á að kíkja í þorramat til Ástu ömmu hennar Helgu Drafnar, svo ég segi þetta gott í fréttum í bili.

kveðja,
Lalli litli

Ég var að koma heim af heræfingu – jámm karate æfingin var í erfiðari kantinum í dag. Svo erfið að nú er ég að reyna að skrifa þennan pistil og ég titra og skelf í upphandleggjunum – svo mikið að ég get á mörkunum haldið höndunum á lyklaborðinu.. jafnvel þó þær hvíli nú bara á því!! En ég ætla að reyna.

Vorum að “leika okkur” með dekk og fjör. Það er dáldið gaman þarna í karateinu að í hópnum er fólk á öllum aldri, frá ca 12 ára til svona 55 ára. Með allt frá fólki í venjulegum gymfötum (við Sandra) og til fólks með svarta beltið. Mjög gaman og mjög sniðugt. Engu að síður erum við nýbyrjendurnir öðru megin við tjald og hinir kláru hinum megin. Svo erum við alltaf með einhvern af þessum klárustu með brún eða svört belti að þjálfa okkur og það er aldrei sá sami 2 skipti í röð. Mjög sniðugt. Þá eru mismunandi áherslur, mismunandi æfingar og bara ný andlit. Allir eru þeir góðir sem hafa kennt okkur. En að sjálfsögðu hver á sinn hátt. Einn tók frekar rólega æfingu sem var meira (fyrir okkur) sem tækniæfing – minni sviti en samt tekið á því. Aðrir eru að taka okkur meira í þol – þrek, einn elskar fótaæfingar (greinilega mikið fyrir flott læri )

Já allvega þá ætla ég að reyna að hreyfa mig og færa mig í sturtuna.. og svo í eldhúsið, gera heiðarlega tilraun til að elda eitthvað sæmilegt og borða það sjálf HEHEHE algjörlega búin á því.
Sjáumst hress og kát í mars. Hej då

Maður er búinn að vinna þarna í 3 mánuði og maður er strax hækkaður í tign!! Jafnvel þó maður sé að fara að hætta eftir mánuð… Þvílíkt hrós – Já börnin góð – ég er orðin yfirþurrkari. Innifalið í því starfi er mikið hangs… nei okey það var bara í dag því við vorum eiginlega að bíða eftir að vélarnar biluðu svo ég sæi hvað gæti klúðrast og hvað ég þyrfti að laga. En annars er ég bara í að fylgjast með þurrkurunum – fikta í tökkum og hlaupa á milli með eitt og annað. Jättekul allihopa Ég var allavega ofsalega stolt.
Ástæðan fyrir að ÉG er sett í ÞETTA starf er sú að sú sem er vön að sjá um það er í fríi – í fyrsta sinn í mörg ár. Skellti sér til tælands kellan. Vegna þess að hún hefur ekki farið í frí í mörg ár og ekki orðið veik á ævinni (amk aldrei í þessi 35 ár sem hún hefur unnið þarna) þá kann enginn almennilega starfið hennar. Lena, sem tók við því, lærði það á hundavaði og Roberto sem vinnur með okkur skvísunum hefur svona smá innsýn í amk hluta af þessu starfi. Inger sem er yfir okkur öllum tók upp á því að hrynja á hausinn – niður tröppurnar – eftir mat í gær með þeim afleiðingum að hún fékk gat á hausinn og fór úr axlarlið og/eða brákaði ILLA á sér aðra öxlina. Hún sem sagt er ekki í vinnu næstu 2 vikurnar (minnst). Lena þurfti því að taka við hennar starfi (þar sem hún kann það best) og Roberto hefur auðvitað annað starf sem hann verður að sinna (kellurnar þola ekki þegar hann er veikur eða í fríi því þeim leiðist svo starfið hans!!!) Svo ég var tekin inn og á að læra á undrahröðum tíma þetta framandi starf. Spennandi!!

Annars bara Karate í kvöld – jíhaaaa og svo hinn magnþrungni Desperat housewifes – sem þeir hættu að sýna einhvern tímann í nóv og eru að byrja aftur fyrst núna. LOKSINS verð ég að segja. Gaman gaman.

Þangað til næst – hafið það sem allra best. HD – yfirþurrkari

Yfir allt er snjór – í gær var snjó”bylur” sem var æðislega notalegt. Amk fannst mér það. Þetta var svona íslenskt veður – ágætt ekta íslenskt veður. Það fyndna við þetta er að það er ekkert allt á kafi, en samt komið fullt af snjó. Magnað. Hérna eru kommunustarfsmenn farnir að skafa frá hurðum hjá okkur leigjendum, geggjuð þjónusta. Kl 8:30 á laugardags morgni eru þeir 2 hérna að skafa með svona… hvað heitir þetta? Svona sköfu sem er eins og hálfmáni með skafti…. Af hverju ætli þeir taki ekki bílinn manns líka? Það væri næs hehehe… (komin í prinsessuleik)
En alltaf hefur maður eitthvað um veðrið að tala – sem ekta íslendingur Híhíhíhí….

En talandi um veður – bara ófært í danaveldi – við erum greinilega að fá vægu útgáfuna af þessu veðri hér. Skilst að á Skáni sé líka bara allt í vitleysu. Af hverju fær maður þetta í vægari útgáfunni. Mig langar í ALVÖRU eðal ófærð. Hanga heima með heitt kakó og smákökur(jamm á ennþá nokkrar smákökur) Rafmagnsleysi og gleði. Væri það næs ójá ójá.

Verð svo að segja ykkur ógeðslegar frétttir. Hann Hörður litli bróðir minn gerði það sem manni var kennt að gera aldrei – en eitthvað hefur það annað hvort misskilist eða dregur úr aganum þegar neðar kemur í systkinaröðina (Hheehehehehhee) vegna þess að hann setti tunguna á ljósastaur í -10°c og var aleinn og endaði með að jebb hold tight rífa tunguna af…. brrrr hrollur og gæsahúð og allt… skelfilegt. Er sem sagt með rifna tungu og neðri vör kall greyið En hann er hörkudrengur og ber sig skilst mér svona þokkalega. En ég held að öll börnin á heimilinu séu búin að læra þetta núna. Held að það þurfi ekkert að impra á þessu við einn eða neinn það sem eftir er!! Skildist að þetta hefði verið heljarinnar blóðbað – NICE (not)

En nóg komið af veðurfréttum heimsins, farin að baka, ryksuga, lesa og elda svo fyrir fólkið þarna hinum megin við strætóskýlið. Veriði sæl að sinni. HD